Ema Mate Tula Ho Motor, PN Ejizi Governu Tau Atensaun

Matebian José Afonso ne'ebé komunidade sira lori motor mak tula nia mate isin ba uma, hafoin hetan insidente. Matebian José Afonso ne'ebé komunidade sira lori motor mak tula nia mate isin ba uma, hafoin hetan insidente. Foto Facebook

Tempotimor (Díli)- Deputadu Bankada Fretilin, David Dias Ximenes 'Mandati' husu Governu, atu aumenta tan kareta ambulánsia, iha Munisípiu Baucau, atu nune'e bele fasilita pesoál sira, hodi tula ema mate.

Tuir nia, foin lalais, iha loron 16 fulan outubru ne'e, akontese dezastre ida, iha Postu-Administrativu Baguia, Munisípiu Baucau, ne'ebé eletrisidade xoke mate tékniku EDTL nain ida.

Nia Hatutan, dezestre ne'e akontese, bainhira tékniku EDTL ne'e, hadi'a hela fiu iha riin eletrisidade nia leten, derepente de'it, ahi lakan hodi halakon tékniku ne'e nia vida. Iha momentu ne'ebá, mate isin tékniku nian, família sira tula de'it ho motor, tanbá laiha kareta aumbulánsia.

"Hanesan iha facebook, karik maluk deputadu sira haree no hatene, dezastre ida, iha eletrisidade Baguia ninian, tékniku iha ona leten, mak derepente ahi lakan, nia mate, atu lori mai iha ospitál, la konsege, ne'ebé ema ida hanesan mate tiha ona mak tenke lori fali ho motor, porque ita-nia ambulánsia laiha," dehan nia, iha plenáriu Parlamentu Nasionál (PN), segunda (19/0).

Iha fatin hanesan, deputadu bankada Partidu Demokrátiku (PD), Mariano Assanami Sabino husu ba Governu, atu aumenta tan rekursu ba tékniku EDTL sira, nune'e fásil ba sira, hodi utiliza iha tempu ne'ebé sira sa'e ba hadi'a liña ka fiu eletrisidade.

Entretantu dezastre ne'e, akontese, iha área Alawa Afaguia, Postu-Administrativu Baguia, Munisípiu Baucau, ne'ebé rezulta tékniku EDTL Baucau nian, nain ida ho naran José Afonsu Neves mate iha fatin akontesimentu.(*)

Rate this item
(0 votes)
Last modified on Monday, 19 October 2020 16:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks