Martinho moris iha Ermera, Urahou iha loron 02 fevereiru 1949 nia nu'udar ema Difisiénsia fíziku ida ne'ebé mak durante ne'e hala’o atividade hili lata zmamú hodi fa’an atubele sustenta nia moris. Nune'e iha Kuarta (23/02/2022) Avó Martinho husik nia pregrerinasaun iha Mundu ida ne'e.
“Uluk ha'u mai vizita haree katak nia moris iha momentu neba susar loos nia hela iha fatin oan ida iha ne'e, ne'ebé nakonu ho lixu, entaun ita esforsu hamutuk ho fundasaun hadi’a iha uma ida ba avó ho nia kaben hela ba”, dehan Isabel ba jornalista sira iha rezidénsia matebian nia Balide, kinta (24/02).
Tanba ne’e, Centro Quesadhip Ruak (CQR) mós durante ne'e kontinua nafatin apoiu ai-hán ba Martinho ho família to'o hakotu nia moris iha mundu.
“Depois fundasaun kontinua tau matan ba avó ne'e ho nia ferik oan, to'o horseik (23/02) nia mate e Maromak bolu ona nia, nia moris iha mundu ne'e, nia terus demais agora nia mate ona nia hetan fatin iha lalehan moris rohan laek”, dehan Isabel ho tristeza.
Nune'e Família António Sarmento informa, matebian saúde di'ak maibé nia monu derepente no liman sin malirin hotu, to’o nia iis kotu.
“Horseik katuas Martinho la'o ba la'o mai hela iha udan nian ne'e depois nia hamlaha ba tama uma laran ba hán maibé derepente de'it nia monu no baku nia ulun ba semente no oan mane kous nia tama ba kuartu laran e nian liman ain malirin tiha depois oan sira fó haris nia maibé la konsege salva nia vida”, afirma nia.
Bainhira lori ba Ospitál Nasionál Guidu Valadares (HNGV) pesoál saúde sira halo teste matebian nia tensaun maibé dehan tensaun sa'e maka'as.
Matebian Martinho da Costa Soares, hakotu nia moris iha iha Ospitál Nasionál Guidu Valadares iha oras meudia tuku 02:00 resin. (*)