“Iha ita-nia Konstituisaun, artigu 75 no alinea D, katak ema ne'ebé sai kandidatura ba PR tenke iha apoiante ka proponente sira kuaze 5 mil e tal. Entaun ida ne'e, ami iha inisitava no esforsu atu halo nafatin aproximasaun ho joven sira atu kompleta ida ne'e, hodi ba rejista para Doutora Isabel da Costa Ferreira bele kompete iha eleisaun PR”, dehan nia iha Restaurante Benifica-Dili, sábadu (02/10).

Tanba esperansa Likisaoan hakarak, ho sakrifisiu ne'ebé sira halo tenke lori duni Isabel Ferreira ba tur iha Palásiu Prezidensiál Bairopite, tinan 2022.

"Ami iha objetivu, halo ativividade ida ne'e atu Isabel Freitas tenke ser manán, ida ne'e mak ami-nia esforsu”, hatete nia.

Maibé, Grupu Juventude Munisípiu Likisá, hakarak dezafia nafatin juven sira iha teritóriu tomak, komesa husi Oekussi to'o Jako, Tasi-feto to'o Tasi-mane, atubele hatoman-an hodi debate, manifesta preokupasaun ba destinu no futuru rai no povu ida ne'e nian.

"Sé ita hotu tuur nonok hodi hateke de'it drama hothotu iha klase polítika ne'ebé daudaun ne'e buras no komesa sai prezidente ne'ebé la di'ak iha ita-nia rai, hodi hamosu eskluzaun sosiál iha ita-nia rai. Mak ita nafatin moris iha eskuridaun no paradoxo nia laran”, afirma nia. (*)