Maske fundadora deklara liafuan ne’e ba maibé atividade ne’ebé halo husi fundasaun rasik kontinua hetan prezensa husi mídia sira ne’ebé fó sai ba públika.

"Ha'u-nia vizita mai iha Orfanatu Dominikana atu fahe buat ne'ebé ami iha oituan iha fundasaun ba alin sira no madre sira iha ne'e ho selebra loron moris fundasaun nian, fundasaun iha dia dez (10)  de Outubru halo nove (9) anos eziste  kriasaun fundasaun nian, apoiu saida de'it mak iha ne'e tuir ita-nia fiar katak ita-nia liman karuk fó liman loos labele hatene”, dehan Isabel iha Bidau mota klaran, kuarta (06/10).

Tanba situasaun pandemia buat sira ne'e hotu Fundasaun Quesadhip Ruak labele halo atividade, maibé halo atividade simples de'it hanesan jestu hanesan fahe apoiu umanitáriu sira ne'e.

Reprezentante Madre Dominikana, Flávia Mendonca, agradese ba apoiu ne'ebé espoza Primeiru Ministru (PM),Taur Matan Ruak oferese ba Orfanatu Dominikana sira.

"Ami hakarak hato'o agradese wa'in ba ita-nia inan ne'ebé sempre ajuda ami, la'ós de'it ba ami madre sira maibé ho labarik sira ne'ebé hamutuk ami iha ne'e tanba ne'e ami Dominikana hato'o obrigada ho fuan domin ba dona Isabel”, dehan ina:

Apoiu ne'e la'ós foin halo, maibé dala barak ona halo hodi fó apoiu ba ema kbi’it la’ek sira iha teritóriu laran. (*)