CO25 Selebra Akordu ho CAMSTL iha Área Tékniku no Peskiza 

Prezidente CO25, Constâncio Pinto ‘Terus’ kaer liman hela ho Suplente Asuntu Legál no Membru Board CAMSTL, Tomas Lim O Haolain, hafoin asina akordu  iha edifísiu CO25, Bidau Akadiru Hun, tersa (05/10). Prezidente CO25, Constâncio Pinto ‘Terus’ kaer liman hela ho Suplente Asuntu Legál no Membru Board CAMSTL, Tomas Lim O Haolain, hafoin asina akordu iha edifísiu CO25, Bidau Akadiru Hun, tersa (05/10). Foto Tempo Timor

Tempotimor (Dili)-Komité Orientadór (CO25) Selebra Akordu ho centro Audiovisual Max Stahl Timor-Leste (CAMSTL) atubele servisu hamutuk iha área tékniku no peskiza.

“Asina nota entedementu ida ohin ne'e, atu instituisaun rua ne'e bele servisu hamutuk liután iha área tékniku,nomós iha área sira peskiza nia, no fahe informasaun ba malu, tanba neste momentu CO25 presiza liu informasaun tanba ami halo peskiza, e CAMSTL  durante tinan barak ona rekolla dadus e ami komité Orientador presiza asesu ba informasaun sira ne'e, tanba ne'e mak nota de entedementu ida ne'e, ajuda liután ami CO25 hodi bele asesu ba informasaun, liliu istória Timor nia sira”, dehan Prezidente CO25, Constâncio Pinto ‘Terus’, iha edifísiu CO25, Bidau Akadiru Hun, tersa (05/10).

Aleinde ne'e mós, kooperasaun iha área tékniku liuliu iha formasaun, tanba CO25 mós dadaun ne’e fó formasaun ba membru sira iha CO25 ba área peskiza nia nomós área arkivu.

“Tamba CAMSTL mak iha ona esperiénsia ba ida ne'e e ami  presiza tebes sira-nia apoiu, iha área hirak ne’e”, dehan nia.

Suplente Asuntu Legál no Membru Board CAMSTL, Tomas Lim O Haolain hatete, nia parte sente kontente tebes ho asina akordu ne’e, tanba ne’e nu'udar dalan ida ne'ebé di'ak, atu bele servisu hamutuk liután iha futuru.

"Agradese ba kooperasaun ne'e, tanba ida ne'e oinsá atu ita servisu hamutuk liután iha istória Timor nia, nune'e ita sei koopera malu di'ak liután iha área tékniku, arkivu, peskiza no seluk tan”, afirma nia. (*)

Rate this item
(1 Vote)
Last modified on Tuesday, 05 October 2021 20:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter