Login to your account

Username *
Password *
Remember Me

PN Deside fo Prémiu Max Stahl ba OPMT

Saudozu Max Stahl. Saudozu Max Stahl. Foto Suplay

Tempotimor (Dili)-Parlamentu Nasionál (PN) liuhusi reuniaun líder bankada deside fo Prémiu Max Stahl iha edisaun dahuluk tinan 2022 nian ba kandidatu Organizasaun Popular da Mulher de Timor (OPMT).

Tuir komunikadu imprensa ne'ebé fo sai husi gabinete Prezidente Parlamentu Nasional iha loron kuarta (9/11), katak deside atribuisaun prémiu liberdade espresaun Max Stahl institui liuhusi rezolusaun Parlamentu Nasional nian ho númeru 25/2021, 19 dezembru.

Prémiu ida-ne'e institui nu'udar omenajen ida ba personajen ne'ebé halo filme iha tinan 1991 relasiona ho atake ne'ebé halo hosi militár Indonézia kontra timoroan sira-ne'ebé dirije manifestasaun pasífika iha semitéiu Santa Cruz, Dili.

Nune’e mós atu rekuiñese atividade sidadaun nasionál ka estranjeiru, ka organizasaun naun governamentál, tantu serbisu individu ka koletivu, dezignadamente iha área jornalistika, literáriu, siéntifiku ka audiovizuál iha Timor-Leste, hodi halo promosaun, divulgasaun no rekuiñesiimentu ba direitu umanu no defeza ba liberdade espresaun, prezervasaun memória luta no rekuiñesimentu kona-ba istória Timor-Leste.

Iha artigu 9.º husi rezolusaun Parlamentu Nasionál nian atu implementa atribuisaun prémiu no Parlamentu Nasionál mós aprova tan rezolusaun númeru 38/2022, 19 setembru, kona-ba regulamentu atribuisaun prémiu liberdade espresaun Max Sthal.

Prosesu ne'e, Parlamentu mak nu’udar orgaun lejislador nomeia ekipa Jurí hodi halo selesaun no nomesaun ne'e konstitui ho baze ba artigu 7.° ho kompozisaun hamutuk ema na'in-lima (5) hanesan Pe. Julio Crispim, Lucia Lobato, Maria Domingas Fernandes Alves, Constancio Pinto ho Joaquim da Fonseca.

Durante hala'o prosesu avaliasaun ba kandidatura iha prémiu ne'e, juri sira simu aplikasaun husi kandidatu nain-neen (6), individu na'in-tolu no organizasaun ka instituisaun tolu.

Hafoin juri halo avaliasaun no propoin kandidatu tolu ba Prezidente Parlamentu Nasionál (PPN) hodi tetu no diside.

Nune'e, ho baze ba proposta husi juri sira PPN konvoka reuniaun lidér bankada iha loron 08 novembru 2022 hodi konsulta ho reprezentante lider bankada parlamentár sira no maiória reprezentante lidér bankada sira fó apresiasaun no sujere ba PPN atu konsidera atribuisaun prémiu ida-ne'e ba Organizasaun Populár da Mulher de Timor (OPMT).

Tetu ba apresiasaun no sujestaun hosi lidér bankada sira hotu ho kompeténsia ne'ebe Tetu ba apresiasaun no sujestaun hosi lidér bankada sira hotu ho kompeténsia ne'ebe konsta iha artigu 9.⁰ hosi rezolusaun númeru 38/2022, 19 setembru, ne'e rasik PPN deside OPMT mak nu'udar manán na'in ba prémiu liberdade espresaun Max Stahl iha tinan 2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter