MEJD-BNCTL Selebra Akordu ba Orsamentu Konstrusaun Eskola 204

Ministeriu Edukasaun Juventude no Desportu (MEJD), Armindo Maia ho Diretór Ezekutivu Banku Nasionál Komérsiu Timor-Leste(BNCTL), Brigido de Sousa, asina hela akordu iha salaun MEJD, Vila Verde, kuarta (06/10). Ministeriu Edukasaun Juventude no Desportu (MEJD), Armindo Maia ho Diretór Ezekutivu Banku Nasionál Komérsiu Timor-Leste(BNCTL), Brigido de Sousa, asina hela akordu iha salaun MEJD, Vila Verde, kuarta (06/10). Foto Suplay 

Tempotimor (Dili)-Ministru Edukasaun Juventude no Desportu (MEJD) selebra akordu ho Banku Nasionál Komérsiu Timor-Leste (BNCTL) hodi halo transferénsia osan ba konstrusaun infraestrutura eskola 204 iha Timor-Leste.

"Ohin ita mai iha ne'e sai sasin ba serimónia asinatura akordu entre MEJD ho BNCTL kona-ba atu loke konta bankária, ao mesmu tempu oinsá mak transfere ba BNCTL Orsamentu do estadu liuhusi MEJD ba OJE 2021 ne'ebé aloka ba konstrusaun infraestrutura edukativu, liuhusi transferénsia públiku”, dehan Ministru Edukasaun Juventude no Desportu, Armindo Maia, iha salaun MEJD, Vila Verde, kuarta (06/10).

Eskola iha teritóriu tomak ne'ebé atu halo reabilitasaun konstrusaun hamutuk 204, sala aula 657, ho totál Orsamentu, US$20.887.696.76.

"Ne'e orsamentu sira atu hadi’a ita-nia eskola, iha teritóriu Timor laran tomak, prosesu ne'e la'o kleur ona, espera fulan ida tan hanesan ne'e balu-balun bele hahú ona, bainhira tama iha 2022 karik fulan-Marsu ka Abríl hanesan ne'e hothotu bele remata ona”, dehan nia.

Ministériu deside fó konfiansa ba BNCTL tanba hanesan banku Estadu Timor-Leste ninia, konserteza iha konfiansa no responsabilidade no fiar katak BNCTL sei jere didi’ak osan ne'e.

"No Espera katak kooperasaun ne'e la'o di'ak, atu nune'e ita bele tulun lalais ita-nia labarik sira iha área ruarál ne'ebé presiza eskola ne'ebé di'ak, atu nune'e ita hakarak edukasaun ne'ebé di'ak ba ita-nia oan sira”, dehan nia.

Diretór Ezekutivu BNCTL, Brigido de Sousa, apresia ba MEJD ne'ebé iha konfiansa ba BNCTL hodi servisu hamutuk atu hadi’a futuru labarik sira ho osan montante ne'ebé boot.

"Maske iha banku haat ne'ebé eziste iha Timor-Leste, maibé Ministériu fó konfiansa ba BNCTL, nune'e ami apresia no agradese wain ba kooperasaun ida ne'e, hodi ita servisu hamutuk atu hadi’a futuru labarik sira nia, ho orsamentu ne'ebé boot hodi rai iha BNCTL atu halo transferénsia ba konstrusaun eskola sira iha teritóriu tomak”, afirma nia. (*)

Rate this item
(0 votes)
Last modified on Wednesday, 06 October 2021 20:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter