“Lakleur tan ami sei simu tan estudante foun, tuir Ministru nia deklarasaun katak, aban iha ona anunsiu, 25 de fevereiru e vaga ne'ebé tinan ida ne'e UNTL atu simu hamutuk 4.100 (4 mill e seem)”, dehan Reitór kampus UNTL, Hera, kuarta (24/02).
Aliende ne'e, UNTL planu atu halo rekrutamentu ba dosente ho orsamentu tinan 2022 ne'e nian, purlvota dosente na'in-51.
Antes ne'e, Ministru Ensinu Superior Siénsia no Kultura (MESSK), Longuinhos dos Santos deklara, faze selesaun ba Estudante finalista husi Ensinu Sekundáriu hodi asesu ba UNTL no Insititusionál Politékniku Betano (IPB) sei finaliza iha loron 25 fulan-fevereiru tinan 2022.
"Kandidatu Estudante ba UNTL ho IPB nia finál iha loron 25 fulan-fevereiru ne'e prosesu finál ne'e asesu engressu nian, prosesu inskrisaun hotu tiha ona sei iha faze selesaun”, dehan Longuinhos iha Palásiu Governu, kuarta (16/02).
Enkuantu totál estudante enjeral rejistradu iha UNTL hamutuk rihun-40, estudante ativu purvolta rihun-27-resin. (*)