"Ha'u sei halo hela luta para fó hanoin ba señór maginífiku reitór sei iha posibilidade e di'ak liu universidade nasionál iha ninia televizaun no ninia rádiu rasik”, dehan nia bá Jornalista sira iha Kampus Fakuldade Siénsia Sosiál Sábadu (05/02).

Ho mehi husi Dekanu ne’e fó sai bainhiran partisipa Serimónia agradesimentu departamentu komunikasaun sosiál iha Fakuldade siénsia Sosiál bazeia ba rezultadu akreditasaun ho valór B husi Agência Nacional para a Avaliação e Acreditação Académica (ANAAA).

Tanba fasilidade universidade ninia kompletu, mákina ne'ebé hasai foto, nune'e mós iha potensia fó formasaun ba Timoroan sira ne'ebé mak hakarak sai jornalista 

"Ha'u hanoin la devia, ne'ebé iha ne'e kada fulan neen mak selu $30 ba universidade hodi aprende kona-ba jornalista no la rai li'ur sira”, informa nia.

Diretór Departamentu Komunikasaun Sosiál (CS), Marcelino Magno hatete, Departamentu hetan valór B husi avaliasaun ANAAA tanba iha iha rekézitu balun ne'ebé mak departamentu rasik seidauk prense.

"Lakunas nia mak ne'e iha parte rua mak, sai problema primeiru peskiza internasionál publika iha jornál internasionál mak menus loos ne'e mak hetan de'it pursentu 25 (25%)”, informa nia.

Iha mós rekezitu ida professor ho grau doutoramentu ne’ebé hanorin iha departamentu Komunikasaun mai hanesan dosente konvidadu.

"Laiha profesór ida permanente mak ita sei fraku iha ne'e”, afirma nia.

Maibé kona-ba servisu Ekipa kolaborasaun husi Ekipa hamutuk ho parseiru nasionál no internasionál ne'e departamentu Komunikasaun Sosiál hetan valór ne'ebé boot tebes.

Tanba ida ne'e mak Universidade Nasionál Timor-Lorosa'e  (UNTL) presiza tau konsiderasaun ba assuntu hodi identifika potensiál no materiál sira iha UNTL rasik.

Dadaun ne'e Universidade Nasionál iha ona ninia site rasik hodi fó informasaun ba públiku sira no iha mós rádiu ida ho naran Rádiu Akademika UNTL ho nia frekuensia 90.00 MHz maibé seidauk funsiona di’ak to’o agora. (*)