"Mensajen Prezidente fó mai ami mak tenke prepara-an, la bele haree liu saida mak sente durante ne'e, maibé Prezidente hanoin ida fó mai ami mak, ami tenke haree família, ami tenke hari’i ami-nia an hanesan joven ida, katak ho sentidu sagradu ninian respeita ami-nia moris, e respeita liberdade ne'ebé mak durante ne'e ita-nia eroi sira rai hela", dehan Prezidente Ativista Foinsa'e Timor-Leste (AFTL), Apolinario Mendonça, hafoin hasoru malu ho Prezidente Lú Olo iha Palásiu Prezidensiál Bairropite, segunda (07/02).
Dadaun ne'e, Ativista Foinsa'e Timor-Leste instala ona formasaun iha 13 munisípiu no formasaun kona-ba oinsá bele ativa joven sira komprende liberdade ne'ebé mak eroi sira husik hela.
"Husu mós Prezidente nia hanoin ba ami joven sira oinsá atu hetan hahalok ida ne'ebé mak edukadu, intelejensia ba rai ida ne'e atubele garantia ba futuru", informa nia.
Iha ne’e mós husu Prezidente Repúblika atu fó hafoin dalan oinsá joven bele kadarniza malu, no hetan liberdade ne'ebé justu husi lei ne'ebé mak regula durante ne'e. (*)