Login to your account

Username *
Password *
Remember Me

KSI Konsidera Governu Valoriza Sidadaun Indonézia ‘Abandona’ Timoroan

Diretór Kadalak Sulimutu Institutu (KSI), Jaimitu Santana. Diretór Kadalak Sulimutu Institutu (KSI), Jaimitu Santana. Foto Suplay

Tempotimor (Díli)-Diretór Kadalak Sulimutu Institutu (KSI), Jaimitu Santana, konsidera Governu durante ne’e valorize sidadaun estranjeiru (Indonézia) sira iha Timor-Leste no abandona Timoroan tanba atendimentu ba nia povu sira la justu.

"Buat ne'ebé mak ita kestiona mak tratamentu la justu ne'e ita sente ladun di'ak, ne'e injustisa boot, kuandu ita-nia Timoroan rasik ita la trata ho dignu, nasaun seluk, fatin seluk, mosu husi rai seluk, mai ita trata ho dignu, hanesan Indonézia ita fó fatin di'ak maibé tanba saida mak Timoroan rasik ita labele?”, dehan Jaimitu ba www.tempotimor.com iha Sede Hasatil, Faról, sábadu (04/12).

Tanba Governu konsege hari’i Pusat Budaya Indonézia iha Timor-Leste maibé la fó prioridade ba Timoroan sira atu hala'o sira-nia atividade ho di'ak ne'ebé mak Arte Moris rasik kria.

Tanba rezidénsia ne'ebé mak seidauk iha Timor mak Pusat Budaya Timór, fatin Galeri iha Timór mós laiha, maske eziste de'it mak Arte Moris.

"Tuir loloos ne'e oportunidade di'ak para ita-nia Estadu bele haree katak, oinsá atu dezenvolve setór Arte iha Timór ne'e, envezde ajuda Arte Moris oinsá atu hadi’a sira-nia fatin kontinua sira-nia atividade di'ak liután para simu sira-nia estudante barak liután para aprende kona-ba arte duké iha haksesuk malu kona-ba fatin ida ne'e”, esplika nia.

Dadaun ne'e Governu iha instituisaun Estadu ida ne'ebé mak naran Sekretáriu Estadu Arte no Kultura maibé durante ne'e laiha Arte ida ne'ebé mak instituisaun refere tau matan.

"Ba ha'u mak Sekretáriu Estadu Arte no Kultura (SEAK) fatin ne'e husik ba Arte Moris mak uza ba, atu dezenvolve di'ak liután setór arte iha Timor-Leste, tanba ita agora iha sekretáriu estadu no arte kultura iha naran mak ita iha mais nia atividade mak saída?, laiha ida”, deklara nia.

Nune'e iha loron 01 fulan-dezembru 2021, Sekretária Estudu Terras no Propriedades (SETP) fó depaisu ba Diresaun Nasionál Terras Propiedade, ne’ebé hamutuk ho Guarda Munisiípiu Dili hasai desizaun ida hodi halo eviksaun Grupu Arte Moris ne'ebé mak durante tinan 18 okupa fatin refere iha Komoro. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter