Login to your account

Username *
Password *
Remember Me

Veteranu Krítika Governu La Tau Importánsia ba Loron Invazaun 

Veteranu Antigu Kombatente husi Munisípiu Baukau, Albino da Silva Xavier 'Sakoko'. Veteranu Antigu Kombatente husi Munisípiu Baukau, Albino da Silva Xavier 'Sakoko'. Foto Tempo Timor

Tempotimor (Baukau)-Veteranu Antigu Kombatente husi Munisípiu Baukau, Albino da Silva Xavier 'Sakoko', kritika Governu la tau importansia ba loron invazaun Indonézia mai Timor-Leste, 7 dezembru ba dala-46 (7/12/1975-7/12/2021).

"Hanesan kombatente, ho governasaun agora laduun iha hanoin tau importansia ba loron boot hotu, loron proklamasaun ne'e mate laduun, mais invazaun ne'e ema mate barak, tanba Bonbardeiamentu, tanke da Gurra rega sa'e ba foho matebian, ramelau, kablake, baze apoiu sidade Dili rahun ema mate barak”, dehan sakoko, iha Baukau, tersa (07/12).

Tanba ne'e,  loron-7 Dezembru mós ba loron erói sira nian, Governu tenke tau mós importánsia hodi selebrasaun hanesan mós loron-7 Dezembru, maske loron nasionál sira importante hotu, maibé tenke iha loron ida mak importante liu.

Nune'e iha loron-7 Dezembru presiza halo reflesaun hanesan loron-12 Novembru hodi sunu lilin iha tempu kalan, tanba iha loron-12 Novembru maske joven barak mak mate ba rai doben Timor-Leste, maibé ema ne'ebé mak mate iha loron-7 Dezembru husi invazaun Indonézia barak liu loron-12 Novembru.

"12 novembru ha'u mós iha laran hotu, mate restu nian, kuaze trezentus mak mate ita sunu lilin, maibé mil pesoál ne'ebé mate ita haluhan tiha, bandeira mós ita haree meiaste laiha, ita haree ne'e laduun di'ak”, afirma nia.

Tanda dadaun ne'e mós kombantente balun nia ruin iha Postu Administrativu Laga no Kelikai Munisípiu Baukau kaisaun balun komesa dodok ba dodok, maibé iha sira-nia loron importante mós Governu la tau ba konsiderasaun hodi halo reflesaun.

"Ha'u hanoin fila ba kotuk hanesan komadante Daitula dehan, imi kuidadu didi’ak ha'u, imi mak la kuidadu didi’ak ha'u ema sei haluhan imi, ne'e mak ami ba halo reflesaun iha fatin ne’eba, 12 Novembru joven sira nian, 7 Dezembru erói sira nia ita tenke halo, vizita sira, maibé agora laiha ne'e mak ha'u nu’udar kombatente ida sente triste”, hatete Sakoko

Tanba ne'e husu ba governante sira tenke halo esplikasaun loloos kada loron importante sira tuir nia dalan, atu nune'e jerasaun foun sira bele hatene mós istória Timor nian, tanba loron nasionál sira ne'e mosu, mai husi istória ida, hanesan loron-12 Novembru ba erói joven sira halo selebrasaun ho di'ak, maibé haluhan hela loron importante ida hanesan loron-7 dezembru loron invazaun Indonézia mai Timor-Leste.

Enkuantu invazaun Indonézia loron-7 fulan-dezembru tinan-1975 iha Timor-Leste kombatente Albino da Silva Xavier 'Sakoko' ho idade-20 iha Dili envolve-an iha estrutura polítika husi partidu ASDT hodi akompaña mós invazaun ne'e. (*)

Rate this item
(0 votes)
Last modified on Tuesday, 07 December 2021 15:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter