Tempotimor (Vikeké)-Prezidente Repúblika (PR), José Manuel Ramos Horta, promete sei viabiliza forma akomoda Arte Moris no Grupu Artistiku iha estrutura ne’ebé sei hari’i hamutuk ho palásiu Prezidensiál.

Tempotimor (Díli)-Diretór Kadalak Sulimutu Institutu (KSI), Jaimitu Santana, konsidera Governu durante ne’e valorize sidadaun estranjeiru (Indonézia) sira iha Timor-Leste no abandona Timoroan tanba atendimentu ba nia povu sira la justu.

Tempotimor (Dili)-Joven sira ne’ebé hamahan-an iha Asosiasaun Arte Moris sente triste tanba fatin ne'e estende tinan sanulu resin ona, utiliza hodi aprende kona-ba arte mundu nian, ikus mai Governu deside uza forsa hamamuk fatin, maibé joven sira hakilar espiritu arte sei la mate iha sira-nia moris.

Tempotimor (Dili)-Governu liuhusi Sekretáriu Estadu Tera Propriedade (SETP), Sekretáriu Estadu ba Asuntu Antigu Kombatente Libertasaun Nasionál no Veteranu, Sekretáriu Estadu Komunikasaun Sosiál (SEKomS) no Sekretáriu  Estadu Arte Kultura (SEAK) hamaus joven sira iha Asosiasaun Arte Moris dala-rua ona atu muda ba fatin ne’ebé Governu prezerva ba sira maibé laiha solusaun.

Tempotimor (Dili)-Deputada Bankada opozisaun Congresso Nacional de Reconstrução de Timor (CNRT), Venerand Lemos Martins, krítika Governu laiha neon hodi hadau rai no edifísiu eis mezeun Komoro husi juven sira iha Asosiasaun Arte Moris.

"Ha'u lori bankada CNRT nia naran hakarak hato'o solidaridade ba arte moris, ne'ebé horseik Governu de faktu ida ne'e, halo despeisu obrigatóriu iha sira-nia fatin Komoro. Ha’u lamenta tebes ho hahalok ida ne'e, Governu ne'e hanesan neon laiha. Hahalok ne’ebé hatudu ka hases, dudu ses tiha artista no pintura timoroan sira husi Arte Moris ninian, halo ita triste tebe-tebes”, dehan Deputada Veneranda iha nia intervenaun iha debate Orsamentu Jerál Estadu 2022, plenária PN, kinta (02/11).

Bankada CNRT haree katak fatin ne’ebé juventude Arte Moris utiliza hodi hamahan-an ba ne'e desde, tinan 18 ona, maibé derepente de'it iha loron 1 fulan-dezembru Governu obriga sira hodi soe sai joven sira-nia sasán.

Maske joven Arte Moris durante ne'e pinta  erói, veteranu, no luta na'in sira, ho sentimentu tomak no sira hasai hotu sira-nia espresaun, arte ba pintura ida, maibé Governu laiha neon hodi soe estraga sira-nia sasán no pior liu Governu halo despaisu obrigatóriu sein fó medida ruma, fatin no alternativa ruma atu sira bele hela.

"Governu ko’alia barak tebtebes dehan tenke konserva arte no kultura, maibé despeisu obrigatóriu ne’ebé hasoru Arte Moris, hatudu katak Governu ida ne’e laiha sensiebilidade oituan ba jove sira ne’ebé hakarak atu hasai sira-nia talentu liuhusi Arte Moris ida ne'e”, afirma nia. (*)

Tempotimor (Dili)-Advogadu Olivio Barros hatete, nia prontu defende hodi lori direitu Asosiasaun Arte Moris nia ba Tribunál, tanba Timor-Leste Estadu direitu demokratiku ne’ebé ema hotu hanesan iha lei ina oin.

Tempotimor (Dili)-Governu ne’ebé lidera husi Primeiru Ministru, Taur Matan Ruak, uza forsa hodi hasai joven sira husi fatin ne’ebé utiliza hodi espresa sira-nia kreatividade, maske durante ne’e Asosiasaun Arte Moris esforsu koopera ho Governu atu deside fatin ne’ebé dignu, maibé laiha solusaun.

Tempotimor (Dili)-Governu ne’ebé lidera husi Primeiru Ministru (PM), Taur Matan Ruak, hahú hamate arte iha Timor-Leste, tanba hasai joven kreativu Arte Moris husi fatin ne’ebé sira okupa durante tinan 18, iha Komoro-Dili.

Tempotimor (Dili)-Portavoz Reprezentante Grupu Arte Moris, Lena Caminha hatete, sira rejeita ho fatin ne'ebé Governu oferese iha armajen Bebora nian tanba fatin la sufisiente atu hala'o atividade arte moris nian.

Tempotimor (Dili)-Primeiru Ministru Taur Matan Ruak deside hodi entrega edifisiu Arte Moris ba Konsellu Kombatentes Libertasaun Nasionál (KKLN) hodi utuliza. Mosu reasaun kontra barak husi públiku ba desizaun PM Taur ne’e.