Arte Moris Rejeita Fatin Governu Oferese, MJ Labele Kria Diskriminasaun

Grupu Arte Moris halo hela Konferensia Imprensa iha edifisiu arte Moris, Suku Madohi, Postu Dom Aleixo, munisípiu Dili, sesta (20/08). Foto Tempo Timor Grupu Arte Moris halo hela Konferensia Imprensa iha edifisiu arte Moris, Suku Madohi, Postu Dom Aleixo, munisípiu Dili, sesta (20/08). Foto Tempo Timor Foto Tempo Timor

Tempotimor (Dili)-Portavoz Reprezentante Grupu Arte Moris, Lena Caminha hatete, sira rejeita ho fatin ne'ebé Governu oferese iha armajen Bebora nian tanba fatin la sufisiente atu hala'o atividade arte moris nian.

Nune'e husu ba Ministériu Justisa (MJ) atu labele kria diskriminasaun entre Arte Moris ho Konsellu Kombatente Libertasaun Nasionál (CCLN), tanba joven sira mós sidadaun Timor-Leste.

"Iha momentu ne'ebá sekretáriu estadu teras propriedade indentifika duni fatin ne'e ba arte moris atu bele haree, maibé ami haree de'it ami seidauk hili katak ami simu fatin ne'e, ami haree maibé  la di'ak duni no ami rezeita duni fatin ida ne'e", dehan nia iha edifísiu Arte Motis ne’ebé uza durante ne’e iha Madohi, sesta (20/08).

Grupu Arye Moris husu ba Ministériu Justisa atu konsidera jonven nia ezistesia no kontribuisaun durante tinan 18 liu iha fatin ne'e hodi la viola sira-nia ne'ebé haktuir ona iha lei nu. 8/2017.

"Husu Ministériu Justisa liuhusi terras propriedade atu halo distribuisaun hanesan ba fatin Eis museun nasionál ba Konsellu Kombatente Libertasaun Nasionál ho arte moris", hatete nia.

Diretór Arte Moris, Iliwatu Danapere hatete,  bainhira haree fatin ne'e la naton atu akumula grupu Arte Moris ne'ebé halibur hamutuk no ambiente haleu la favorável  atu kontinua atividade tanba uma komunidade besik inklui rate balun mós iha.

Tanba ne'e Grupu Arte Moris preokupa tebes hodi la garantia atu hala'o atividade baibain hanesan  movimentu moris arte.

"Ami koko halo dialogu, ami hakbesik-an ba Ministériu relevante, ami hasoru ita-nia fundadór nasaun sira ne'ebé lakaer kargu ami hato'o hotu preokupasaun, tanba situasaun desperadu ami la hetan serteza ba ami-nia futuru", afirma nia.

Maibé sira (Arte Moris) ladún haree dalan ne'ebé mak atu solusiona situasaun Ministériu Justisa mantein ida ne'e.

Reprezentante Rede ba Rai, Elias Godinho hatete, antes ne'e arte moris rasik propoin opsaun katak se CCLN la uza hotu bele metade husik hela arte moris uza tanba rai nia superfisia kuaze 2 ektare.

"Maibé opsaun sira ne'e seidauk iha resposta sertu  no opsaun husi terras propriedade indika ba arte moris la sufisiente tanba sira-nia atividade ne'ebé ami indentifika direita katak sira presiza fatin ne'ebé sufisiente", esplika nia.

CCLN atu okupa fatin ida ne'e aktu hotu tenke sujeitu ba lei proriasaun iha artigu 8 no CCLN tenke mai ho prinsipiu ida ema dehan katak, hasai ema ida husi fatin ida ba fatin seluk mínimu nia moris ne'e tenke hanesan ho moris anterior ka di'ak liu no la bele pior fali husi ne'e. (*)

Rate this item
(2 votes)
Last modified on Saturday, 21 August 2021 16:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter