Login to your account

Username *
Password *
Remember Me

Alarico da Cosa Eleitu Sai Dekanu FCS-UNTL, Troka Camilio Ximenes

Dekanu Atual Camilio Ximenes Almeida (karuk) no Dekanu Eleitu, Alarico da Cosa Ximenes (los). Dekanu Atual Camilio Ximenes Almeida (karuk) no Dekanu Eleitu, Alarico da Cosa Ximenes (los). Foto Tempo Timor

Tempotimor (Dili)-Dosente Alarico da Cosa Ximenes, eleitu sai dekanu Fakuldade de Ciências Sociais (FCS), Universidade Nacional Timor Lorosa’e (UNTL) ba períodu 2023-2026, hodi troka atual Dekanu FCS Camilo Ximenes Almeida.

Tuir informasaun ne’ebé www.tempotimor.com, asesu iha pájina Mídia UNTL, segunda (21/08/2023) katak, Alarico da Cosa Ximenes eleitu sai dekanu liuhusi votasaun ho totál votu 42, enkuantu Abel Boavida dos Santos ho votu 23, bezeia ba rezultadu eleisaun ne’ebé realiza iha Kampus FCS, Kaikoli, UNTL, sesta (18/08/2023).

Dekanu eleitu, Alarico da Cosa Ximenes, iha ninia entrevista agradese ba dosente sira ne’ebé depozita ona konfiansa hodi lidera FCS ba períodu 2023-2026, hodi implementa planu ne’ebé nia rasik aprezenta, no sei aprosima estrutura atuál hodi haree saida mak presiza atu kontinua nune’e lori fakuldade ba sentru exelénsia.

“Ohin kolega sira fó ona konfiansa mai ha’u, konfiansa ida-ne’e ha’u sei kuidadu. Ne’e hanesan responsabilidade, la’ós ba ha’u-nia an maibé ba fakuldade mós, ne’e maka demokrasia hatudu katak liberdade espresaun liuhusi dosente ida-idak nia votu”, afirma nia.

Dosente Alarico mós sente kontente hanesan ema, maibé responsabilidade maka importante atu implementa prioridade sira liuliu ensinu, peskiza no dedikasaun ba komunidade no kooperasaun.

Aliende ne’e sei kontinua luta ba dosente kontratatu sira ba permenente atu serbí di’ak liután ba Fakuldade Siénsia Sosiál-UNTL.

Tanba ne’e, agradese ba dosente sira ne’ebé fó konfiansa, no ekipa-susesu, nomós komisaun organizadora ne’ebé organiza dezde inísiu to’o eleisaun. Agradese mós ba kandidatu Abel Boavida dos Santos ne’ebé la eleitu, maibé sei bele servisu hamutuk ba futuru.

Entretantu Dekanu atuál, Camilo Ximenes Almeida hatete, eleisaun ne’e demokrátiku tebes, hanesan ezemplu ida maské iha idea oioin maibé konsege rezolve eleisaun la’o ho di’ak.

“Kongratula dekanu eleitu no bele kontinua ba oin programa sira mak implementa ona. Ezemplu, ida ne’ebé departamentu sira uluk halo ona avaliasaun husi ANAAA hetan valór C, kestaun barak, se iha posibilidade atu submete fali para hetan A ou B”, dehan Camilio.

Iha eventu ne’e, partisipa másimu husi estrutura fakuldade nian, diretór departamentu sira, dosente sira no ekipa organizadora sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter