Matebian JX ho idade 21, husi Aldeia Loidu’u, Suku Buibau, Postu Administrativu Baukau Vila, Munisípiu Baukau.

Tuir informasaun, matebian nu’udar membru Grupu Artemarsiais PSHT no suspeitu husi IKS, no tuir kultura iha mós relasaun família, maibé sei buka tuir suspeitu, bainhira kaptura ona halo loke prosesu investigasaun mak bele hatene lolos.

"Tuir kampaña iha Darasula ne'eba, mak sira baku malu mate iha ne'eba,"dehan Komadante PNTL Baukau, Superintendente António De Sá ba www.tempotimor.com via telefone, sabadu (12/03).

Hafoin akontese, parte segúransa PNTL buka tuir kedas suspeitu atu halo kapturasaun, maibé subar aan, maibé nafatin halo aprosimasaun ho parte família husi suspeitu hodi submete ba prosesu investigasaun.

Dadaun mate isin JX lori ona ba Ospitál Nasionál Guido Valadares (HNGV-sigla portugés) Dili hodi halo autópsia.

"Husi parte seksaun invetigasaun nia mate isin lori ba Dili halo autópsia," nia hatete

Alende ne’e, PNTL mós kontinua buka tuir grupu deskoñesidu ne'ebé asaltu karreta microlete diresaun Baukau ba Venilale ida iha área Kailara hodi submete ba prosesu investigasau.  

"Kailara ohin vítima ita lori mai ona komandu, inklui suspeitu mós sira buka tuir, sira ne'ebé involve ba iha krime ne'e, ita sei kaptura hotu sira, tanba ohin kalan ne'ebé suspeitu deskoiñesidu sira halai tiha, mais segúransa buka tuir nafatin sira," nia informa

Enkuantu, apoiante husi kandidatu PR númeru sorteiu 6 ne'ebé hetan tuda husi grupu deskoiñesidu iha parte Postu Adminisitrativu Laga, dadaun membru forsa unidade espesiál, ékipa task force no komadante eskuadra sira akompaña hela viajen apoiante ba Postu Baguia.

"Seidauk simu relatoriu ema kanek ga la'e, buat sira ne'e hotu seidauk simu relatóriu, maibé situasaun iha ne'eba di'ak hela, populasaun sira liu ona laga," nia hatete. (*)