“PLAN Internasional hanesan parseiru ida ne'ebé sempre fó apoiu ba Ministériu Edukasaun Juventude no Desportu liuliu iha área protesaun no dezastre naturál nomós apoiu materiál emerjénsia no seluk tan”, dehan Dirétor Nasional Asaun Sosiál Eskolar, Joaquim Martins, iha Sala Konferénsia MEJD Villaverde, segunda (14/03).

Ba apoiu ne’ebé MEJD hetan, tanba iha tinan 2020 to’o 2022, dezastre naturál ne’ebé afeta tebtebes ba infraestrutura pur volta 68 Eskola. Makes iha tinan 2020 to’o 2021 apoiu ona materiál emerjénsia ba eskola 36.

Nune’e mós iha tinan 2022 apoiu tan materiál emerjénsia ba afetadu eskola 9, no eskola hamutuk 23 mak seidauk hetan apoiu materiál emerjénsia.

Ho nune'e Ministériu Edukasaun Juventude no Desportu liuhusi Diresaun Nasional Asaun Eskolar ho kórdenasaun di'ak hato'o proposta Plan Internasional hodi hakman MEJD ba Dezastre Naturál ne'ebé akontese ba eskola sira.

Materiál ne'ebé apoiu husi Plan Internasional mak hanesan kalen hamutuk 700 no pregu kalen 100 kilograma (kg) inklui ai medida 6×12 hamutuk 650 unidade no ai medida 5×10 hamutuk 650 unidade.

Country Director PITL, Dillyana Ximenes hatete, Plan Internasional hahú iha tinan 2010 hakarak servisu hamutuk ho MEJD ba atividade dezenvolvimentu no atividade emerjénsia.

Ba servisu hamutuk entre plan internasional no MEJD ne'ebé foku liuba Edukasaun no simulasaun sedu iha munisípiu Aileu no Ainaru liliu haree ba Pre-Eskolar ne'ebé hala'o ona ho ministériu relevante sira.

Tanba ne’e, Plan Internasional mós suporta material konstrusaun emerjénsia hanesan kalen, ai no pregu kalen nian. Nune’e fundu ne'ebé aloka ba materiál konstrusaun ho montante rihun-20-resin ne’ebé mai husi Plan Internasional rasik. (*).