"Ínisiu primeiru periodu to'o periodu-12, ita produz ona graduadu hamutuk na'in-277", dehan Diretór CDC Baukau, Vicente Matos Belo iha kna'ar fatin, sabadu (12/03).
Graduante na'in-227, na'in-18 dadaun servisu iha Austrália, na'in-7 servisu iha Sekretáriu Estadu Formasaun Profesionál no Empregu (SEFOPE) liuhusi on the up traning no na'in-4 servisu iha parte Timot verde, na'in-3 no seleuk tán servisu iha ai ba futuru.
Seluk ne'ebé seidauk, CDC sei kontinua esforsu buka meius oin-oin atu sira partisipa mós iha kampu traballu.
"Foin lalais programa PLS nian, ami sentru rekomenda na'in-132 ba hatama sira nia dokumetus ba iha diresaun nasionál empregu externu nian," nia hatete
Enkuantu na'in-132 sentru formasaun rekomenda ba diresaun nasionál empregu externu atu ba servisu iha Australia, nune’e dadaun na’in-49 husi Munísipiu Baukau, Munísipiu Aileu na’in-2, Lautém na'in-2, Vikeke na'in-4 liu ona iha faze intervista.
Alende ne’e, sentru formasaun CDC loke ona formasaun movél iha Munísipiu Baukau kompostu husi Suku-10 Suku Bukoli, Buruma, Seiçal, Gariuai, Uailili, Samalari, Loilubu, Baduho, Umanaulo, Umanaiku, Uailaha, inklui rua iha Munísipiu Vikeke no Lautém.
"Formasaun movél CDC estabelese ona iha Suku 12, husi formasaun movél ne'e, sira bele hatama maluk sira servisu ho grupu agrikultura nian," nia hatete
Sentru formasaun CDC Baukau, garante ho sertifikadu levél ne'ebé oferese ba graduante sira atu ba servisu iha Australia, tanba durante formasaun, formadu sira aprende ona husi agrikultura jerál, hanesan kuda modo, prátika fó kaben fahi no área floresta nian ne'ebé tekníku sira intruduz ona iha Timor-Leste. (*)
