Diretór ICFP Diozese Baukau, Paulo Gilchristh, hatete, Timor-Leste rekoiñese iha kombinasaun ba edukasaun primariu, sekundáriu inklui universitariu, maibé antes ne'e graduante husi ICFP estuda makas ona kona-ba ema nia hahalok oinsá atu sai manorin.

Tanba moris aventura ne'ebé inposivél tebes husi moris oin-oin, susar atu halo kalkulasaun ba futuru, maibé esforsu ho susesu sira husi graduante ICFP aprende ona husi sala sei di'ak liután iha futuru.

"Susesu iha moris ideail ida ne'ebé mai husi desfasa barak, kontente ho ita nia aan saidá mak iha no saidá mak sei halo, kontente ho ita nia família sira, agora kompleta ona tempu iha Instituisaun, labele husik liu mehi, maibé servisu makas, labele hamis ita nia hakarak ba saidá mak ita bele atinji, laiha ida mak fó de'it, realiza ita nia mehi," dehan Paulo iha salaun sentru konvensaun vila antiga, sabadu (05/03).

Previleziu husi graduasaun ne'e, sei asume responsabilidade boot iha futuru, nune'e lalika taka odamatan, maibé uza nafatin kapasidade fó tulun ba ema seluk ne'ebé husu tulun liuhusi korajen hanesan ema intelektual.

Nune'e, reprezentante graduante, Beatriz Pereira kompromete, sei implementa matéria ne'ebé durante aprende ona iha ICFP Baukau ba eskola hanesan manorin ida atu lori sai estudante sira husi nakukun ba naroman.

"Ami aprende husi pontu finál, virgula, retesénsia, kontinuasaun, tadak hakfodak, tadak mahusuk no iha nia parte sira, ami prezisa ona loke pajina foun, ho pajina primeiru nakonu ona, ami finalista husi ICFP baixarellatu no lisensiatura ona mai nia estudu," nia hatete

Entertantu graduasaun husi ICFP Baukau preriodu XVI, programa baixarellatu ensiñu báziku hamutuk na'in-59 inklui lisensiatura edukasaun hamutuk na'in-62. (*)