Login to your account

Username *
Password *
Remember Me

Episkópal TL Sei Eduka Sarani Sira iha Festa Demokrasia Liuhusi Karta Pastóral

Administradór Apostóliku Dioseze Baukau, Padre Alípio Pinto Gusmão ko'alia hela ba média sira iha katerdral vila antiga, kuarta (02/03). Administradór Apostóliku Dioseze Baukau, Padre Alípio Pinto Gusmão ko'alia hela ba média sira iha katerdral vila antiga, kuarta (02/03). Foto Tomas Freitas

Tempotimor (Baukau)-Episkópal Timor-Leste (TL) sei fó mensagem liuhusi karta pastóral ba sarani hotu liu-liu joven sira atu kontribui paz no estabilidade iha festa demokrasia, eventu kampaña no Eleisaun Prezidensiál.

"Mensajem husi uma kréda sei fó sai karta pastóral ne'ebé konferensia episkópal Bispu timorense sira sei lee sai iha parókia sira," dehan Administradór Apostóliku Dioseze Baukau, Padre Alípio Pinto Gusmão iha katerdral vila antiga, kuarta (02/03).

Konteudu karta pastóral hanesan orientasaun ida husi uma kréda no realiza konferensia husi Amu Bispu, atu oinsá joven sira kontribui ambiente paz iha tempu kampañia no eleisaun Prezidensiál.

Konferensia karta pastóral ne'e, sai ona lisaun uma kréda nian ba akontesementu sira liuhusi konferensia atu eduka sarani sira.

"Bispu sira atu hanorin sarani fó sai lia-menon sira ne'e mak espresa liuhusi ita bolu karta pastóral Bispu sira nian ba eleisaun Prezidensiál ne'ebé sei monu iha dia 19 marsu 2022," nia akresenta

Tuir planu karta pastóral ne'e, sei lee sai iha kada parókia iha loron 06 fulan-marsu tinan 2022 hanesan formasaun ida hanorin sarani sira partisipa iha tempu kampañia no eleisaun.

Alende ne'e, husu militantes sira husi partidu polítiku iha Munisípiu Baukau, atu hatudu aan iha tempu kampañia hanesan sarani ne'ebé di'ak, tenke respeita ema seluk nia ideia ne'ebé lahanesan ho ita rasik, nune'e bele konsidera maduru ona iha estadu direitu demokratiku.

"Hatudu partisipasaun ativa hahalok demokratiku nian, partisipa iha kampañia hakmatek nakonu ho domin paz, fó ita nia votu iha eleisaun, kuandu rezultadu sai mai ita buka simu rezultadu, sé mak sai Prezidente, Prezidente ba Timor nian, hotu-hotu simu no kolabora," nia argumenta

Tanba ne'e, nafatin husu ba joven sira iha Munisípiu Baukau atu evita konflitu durantr tempu kampañia no eleisaun to'o rezultadu finál husi votasaun. (*)

Rate this item
(0 votes)
Last modified on Wednesday, 02 March 2022 13:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter