Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Tempotimor (Dili)-Embaixada Timor-Leste iha Portugal, kontinua monitoriza Timor-oan sira ne'ebé hela iha ne'ebá liu husi telefone no media sosial.
Tempotimor (Dili) - Koordenador forsa tarefa prevensaun mitigasaun surtu Covid-19, Sergio Lobo hateten to’o iha loron Domingo (5/4) Timor Leste nia Sidadaun nain rua iha Suai sai suspeitu ba Covid-19.
Tempo Timor (Dili) - Reuniaun alargada entre lider koligasaun foun ne’ebe forma husi paritdu neen ne’ebe marka prezensa mos husi membru Governu balun husi VIII Governu Konstitusional ne’e, halao iha rezidensia Prezidente Congresso Nacional Reconstrução Timorense (CNRT), Kay Rala Xanana Gusmao iha Lesidere, Dili (5/4).
Tuir observasaun Tempo Timor, partisipa iha enkontru ne'e, mai husi líder partidu polítiku husi partidu CNRT, PD, KHUNTO, FM, UDT no PUDD. Membru governu sira maka tama husi portaun entrada kotuk, hanesan Ministru Defeza Seguransa no interior Interinu (MDSII) Filomeno Paixao de Jesus, Ministra Finansas (MF) interina, Sara Lobo Brites, Eis Vise Ministra Saude (MS) Elia dos Reis Amaral, Ministra solidariedade Sosial no Inkluzaun (MSSI) Armanda Berta, Ministru Transporte Telekomunikasaun (MTT) Jose Agostinho da Silva, Ministru Negosiu Estrangeiru no Koperasaun (MNEK) Deonisio Babo, Prezidente Parlamentu Nasional (PPN) Arao Noe de Jesus Amaral, Sekretariu jeral Partidu PD Antonio da Conseicao 'Kalohan', Sekretariu jeral Partidu UDT Fransisco David Ximenes, Deputada partidu Frente Mudansa Isabel Maria Ximenes, Prezidente partidu PUDD Antonio de Sa Benevides, Deputada CNRT Fernanda Lay, Deputada CNRT Carmelita Moniz no Xefe Bankada CNRT, Duarte Nunes.
Reuniaun ne'e hahú iha tuku 16:15 Otl, no oras ne'e Seidauk remata nune’e to'o notisia ne'e hatun seida’uk iha deklarasaun ruma.
Tempotimor (Dili)-Portavoz Sala Situasaun dr. Rui Maria de Araujo informa, durasaun tempu ba Covid-19 belit iha ema nia kakorok bele to'o de'it loron 14 no bele liu to'o fulan ida.
Tempotimor (Dili)-Dekretu ne'ebé Prezidente Repúblika fó sai bazeia ba pedidu husi Primeiru Ministru Taur Matan Ruak hodi demite Elia dos Reis Amaral husi kargu nu'udar Vise Ministra Saúde, sai nu'udar huun husi asaun kontra-versaun ne'ebé Elia halo durante sai membru governu Konstitusional daualu.
Tempotimor (Dili)- Governu liuhusi Ekipa Jestaun Krize, sei realiza teste massal ba Corona Virus (COVID-19), iha territóriu tomak. dadaun ne'e ekipa jestaun krize perpara hela studu sentifiku ou maneira atu teste massal Covid-19 ba Populasaun tomak.
Tempotimor (Dili)-Bainhira iha evolusaun pandemia Covid-19 iha Timor-Leste, governu sei halo mós mudansa ba regras estadu emerjensia ne'ebé daudauk ne'e aplika.
Tempotimor (Dili)-Iha loron hirak ikus ne'e mosu informasaun katak rega dezinfektan ba ema nia isin sei fó impaktu ba saúde, maibé Portavoz Sala Situasaun, dr. Rui Maria de Araujo rekuza informasaun ne'e.
Tempotimor (Dili)-Ministra Finansa interina Sala Lobo Brites hatete, planu governu nia atu fó subsidiu ba sidadaun hotu-hotu dependen ba gravidade Covid-19.
Tempotimor (Dili)-Tuir dadus husi Sentru Integradu ba Jestaun Krize (SIJK) to'o iha Sesta (03/04), ema ne'ebé tama kuarentena no auto-kuarentena hamutuk na'in 1.096. Husi númeru ne'e na'in na'in 42 mak dezenvolve sintoma Corona Virus Deasses 2019 (Covid-19).
.