Ema iha Kuarentena sa'e ba 1.096, Suspeitu 42

By Tempo Timor April 04, 2020 5827

font size decrease font size increase font size
Print
Email

Odete Viegas membru husi centru integradu jestaun de Krize ko'alia hela ba midia, akompana husi Primeiru Ministru, Taur Matan Ruak, Brigaderu Jeneral F-FDTL, Aluk no Koronel Pedro Klamar fuik Foto File

Tempotimor (Dili)-Tuir dadus husi Sentru Integradu ba Jestaun Krize (SIJK) to'o iha Sesta (03/04), ema ne'ebé tama kuarentena no auto-kuarentena hamutuk na'in 1.096. Husi númeru ne'e na'in na'in 42 mak dezenvolve sintoma Corona Virus Deasses 2019 (Covid-19).

Portavoz Sala Situasaun, dra. Odete Viegas informa, númeru ema ne'ebé iha kuarentena no auto-kuarentena husi nasionál to'o munisípiu hamutuk 1.096.

"Sidadaun sira ne'ebé tama kuarentena no auto-kuarentena iha munisípiu hamutuk 117, iha Dili mantein ho 138. Entretantu sira ne'ebé iha kuarentena iha otel husi munisípiu to'o nasionál hamutuk 841," dehan dra. Odete iha Sentru Konensaun Dili (CCD), Sesta (03/04/2020).

Husi númeru ne'e, nia hatete, na'in 341 mak pasa ona periodu inkubasaun durante loron 14.

To'o iha Sesta, nia hatete, suspeitu ba Covid-19 sa'e ba na'in 42. Husi númeru ne'e na'in 32 negativu, na'in 9 sei iha prosesu teste, no pozitivu mantein na'in ida.

Rate this item

(1 Vote)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com