Mudansa Regras EE Depende Evolusaun Covid-19

Kapitaun Mar e Guerra, Pedro Klamar Fuik atual Diretor IDN, nu’udar Estadu Maior Kordenadór  ba Sentru Integradu ba Jestaun Krize  kona ba Kombate Covid-19 ko'alia ho Primeiru Ministru VII Governu Konstitusional iha palasiu do Governu, momentu ruma kotuk. Kapitaun Mar e Guerra, Pedro Klamar Fuik atual Diretor IDN, nu’udar Estadu Maior Kordenadór ba Sentru Integradu ba Jestaun Krize kona ba Kombate Covid-19 ko'alia ho Primeiru Ministru VII Governu Konstitusional iha palasiu do Governu, momentu ruma kotuk. Foto Arkivu

Tempotimor (Dili)-Bainhira iha evolusaun pandemia Covid-19 iha Timor-Leste, governu sei halo mós mudansa ba regras estadu emerjensia ne'ebé daudauk ne'e aplika.

Kapitaun Mar no Guerra, Pedro Klamar Fuik hatete, medidas ne'ebé governu hasai iha estadu emerjensia ne'e benefisia ema hotu-hotu.

Daudauk ne'e, nia dehan, sei iha faze inisiu no bainhira iha evolusaun drastika ba kazu Covid-19 sei halo mós mudansa ba medidas ne'ebé iha.

"Ita sei iha faze inisial, se tuir dadus ne'ebé ita-nia ekipa teknika Ministériu Saúde aprezenta iha evolusaun drastika, medidas mós sei muda," dehan Pedro iha Kuartel Gabinte Jestaun Krize, Sentru Konvensaun Dili, Sesta (03/04).

Pedro rekoñese katak daudauk ne'e movimentu populasaun nian iha fatin públiku sei barak tebes, tan ne'e nia apela atu kontinua kumpre regras ne'ebé fó sai ona.

"Forsa FALINTIL-FDTL i PNTL ne'ebé ezekuta orden durante estadu emerjensia sei atua kualker momentu ba sidadaun sira ne'ebé la kumpri regras ne'ebé estadu hatur ona," nia afirma.

Rate this item
(1 Vote)
Last modified on Sunday, 05 April 2020 09:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com