dr. Rui: Rega Ema-nia Isin ho Dezinfektan La Fó Impaktu ba Saúde

Porta Voz ba Centru Integradu Jestaun Krize, dr. Rui Maria de Araujo durante konferensia Imprensa, iha sala Situasaun iha CCD, Dili (4/4) Porta Voz ba Centru Integradu Jestaun Krize, dr. Rui Maria de Araujo durante konferensia Imprensa, iha sala Situasaun iha CCD, Dili (4/4) Foto Isac Oliviera

Tempotimor (Dili)-Iha loron hirak ikus ne'e mosu informasaun katak rega dezinfektan ba ema nia isin sei fó impaktu ba saúde, maibé Portavoz Sala Situasaun, dr. Rui Maria de Araujo rekuza informasaun ne'e.

Tuir portavoz ne'e katak, avizu husi Organizasaun Saúde Mundial (OMS) katak tenke dezinfekta rai, inklui sasan ne'ebé ema kaer lorloron.

"Uza dezinfektan ba ema-nia isin ne'e la fó impaktu ba ema-nia saúde, tanba dezinfekta tuir Organizasaun Mundiál ba Saúde fó sai katak ita tenke dezinfekta rai, superfisie sira, inklui fatin sira ne'ebé diareamente ita kaer, maibé dezinfekta ba ema ne'e laiha efeitu negativu," dehan eis Ministru Saúde ne'e iha Sentru Konvensaun Dili, Sábadu (04/04/2020).

Aleinde ne'e, dr. Rui hatete mós katak, Covid-19 la hadaet husi anin maibé hadaet liu husi kontaktu fíziku ho ema ne'ebé afetadu.

Eis Primeiru Ministru ne'e hatutan, virus transmite lalais liu husi kontatu fiziku no bainhira koalia ho distansia besik ho ema ne'ebé afetadu Covid-19.

"Meiu ne'ebé transmite virus ne'e maka'as liu mak liman ne'ebé halo atividade ruma depois kaer ba ibun, matan no inus mak virus ne'e hadaet, ka ita ko'alia besik tebes ho ema ne'ebé afetadu ona ho corona virus," dehan nia.

Tan ne'e, nia apela ba populasaun tomak atu nafatin iha ábitu fase liman ho sabaun, uza maskara, no mantein distansia sosiál.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com