Oras ne'e daudaun ekipa jestaun krize perpara hela estudu sientífiku ka maneira teste massal COVID-19 ba Populasaun tomak.
"Ita sei perpara hela politika ba ida ne'e, hein finaliza," Koordenador Offisiais forsa tarefa no portavóz Sentru integradu krize Rui Maria de Araújo hateten lia hirak ne'e, ha Centro Convencões Dili, Sábadu (04/04).
Ekipa analiza no estudu ne'ebé interga mós iha sala situasaun sentru intergradu jestaun krize halo ona estudu atu aprezenta analiza sentifiku konsulta ho Organizasaun Mundiál Saúde, prepara lojísstika liu husi sosa reajente ne'ebé sufisiente atu halo teste massal.
Antes ne'e guvernu aprezenta métodu prevensaun lima mak hanesan pratika ijiene, interdisaun, Izolamentu, Distansiamentu sosiál no teste massal ka Restreiu ba identifikasaun COVID-19 iha Teritóriu tomak.(*)