Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, aban loron-sesta (15/07) sei hasoru malu Prezidente Repúblika (PR), José Manuel Ramos-Horta iha Palásiu Prezidénsia Repúblika, Bairo Pite, Dili.

Tempotimor (Dili)-Prezidente Repúblika, José Ramos Horta iha loron kuarta (13/07) simu vizita delegasaun China National Heavy Machinery Corportion (CHMC) ne’ebé mak hakarak mai aprezenta sira-nia proposta ba Xefe Estadu kona-ba atu loke investimentu ekipamentu pezadu iha Timor-Leste.

Tempotimor (Dili)-Prezidente Repúblika (PR), José Manuel Ramo Horta hakilar Governu seidauk selu tusan millaun $5 ba operadór telekomunikasaun Timor Telecom.

Tempotimor (Dili)-Prezidente Repúblika (PR), José Ramos Horta promete sei halo koordenasaun ho Governu liliu Primeiru Ministru (PM), Taur Matan Ruak inklui Ministériu Transporte no Komunikasaun (MTK) atu apoiu Operador Telekomunikssaun Timor Telecom ne'ebé mak oras ne'e lidera husi Timoroan sira.

“Ha'u orgullu mai vizita iha ne'e, ha'u sei ko'alia ho Primeiru Ministru, ho ministru sira seluk para oinsá atu tenke tau matan e apoiu instituisaun ida timorense, konkorénsia di'ak maibé tenke iha apoiu maka’as ba instituisaun ne'ebé timorense”, dehan nia hafoin finaliza atividade vizita ba Instituisaun Timor Telecom iha Kaikoli, kuarta (13/07).

Maske tinan hirak nia laran ne'e ladun akompana dezafiu oioin ne'ebé Timor Telecom ka Empreza telekomnukasaun enfrenta, maibé hein katak tinan ida ka rua, sé másimu liu mak tinan tolu, sei iha kabu submarinu ho fibra óptika maihusi Darwin no Alor ho Atambua atubele ajuda liután lina telekomunikasaun nian.

Tanba durante ne'e públiku sempre halo kritiku oioin ba Timor Telecom maibé buat ne'ebé dala ruma presiza haree mak problema satélite tanba dadauk Timor Telecom mós depende de'it ba Telkomsel ho ba sira seluseluk.

“Ne'e sei tau Timor tama ba, uluk karun tebtebes ne'e tanba satélite e ita laiha espasu diretu satélite ita liuhusi ema seluk nian”, dehan nia.

Tanba ne'e iha tinan hira tuir mai felismente Timor-Leste sei iha komunikasaun estável hanesan ho nasaun sira seluk liliu Singapura no Austrália.

Diretór ba Diresaun Jurídiku Timor Telecom, Manuel Carcéres hatete, sira ho onra boot ba vizita ne'ebé Prezidente Repúblika halo hodi haree direta situasaun ne'ebé Timor Telecom entrenta.

“Prezidente Repúblika, nia hakarak mai vizita Timor Telecom, eselénsia rasik mak ohin marka loron (13/07) e hanesan família boot Timor Telecom sente onradu tebtebes, envez ami sira diresaun ba audénsia ho Prezidente Repúblika, e iha oportunidade senor Prezidente Repúblika mai haree rasik ho matan, situasaun real Timor Telecom nian”, esplika nia.

Dadauk Empreza Timor Telecom rasik mós apresenta ona ba Prezidente Repúblika kona-ba situasaun Timor Tolecom nian iha tinan 15 liuba ne'ebé mak maiória sidadaun estranjeriu lidera sistema, maibé ohin loron timoroan mak kaer hikas sistema hotu iha ne'ebá.

Tanba hahú husi fulan-marsu 2020, sidadaun estranjeiru ne'ebé mak kaer sistema ne'e ba Portugal la konsege fila mai Timor tanba COVID-19 nune'e to'o ohin loron timoroan de'it mak kaer sistema, inklui tékniku mós timoroan de'it.

“Ne'e siknifika katak timoroan prontu ona atu tama ba merkadu telekomunikasaun. Ezemplu konkretu maka Timor Telecom, ohin ami hotu esplika ba señor PR katak laiha Diretór ida mak malai, hothotu mesak timoroan de'it”, dehan nia. (*)

Tempotimor (Dili)-Parlamentu Nasionál (PN), tersa (12/07) deside hodi aprova pedidu Prezidente Repúblika (PR), José Ramos Horta ne’ebé husu autorizasaun atu halo vizita ba Nasaun Repúblika Indonézia.

Tempotimor (Dili)-Sekretáriu Jerál Movimentu Kamponezes Timor-Leste (MOKATIL), Helio Dias da Silva hatete, sira prontu no firme atu apoiu Prezidente Repúblika (PR), José Manuel Ramos-Horta nia polítika kona-ba hasa'e ekonómia iha rai-laran.

Tempotimor (Dili)-Sekretáriu Jerál Movimentu Kamponezes Timor-Leste (MOKATIL), Helio Dias da Silva konsidera, notifikasaun husi Governu hamosu presaun ba Sentru Formasaun no Produsaun Agrikola Proklamador RDTL Francisco Xavier do Amaral iha área Sarau, Munisípiu Aileu.

Tempotimor (Dili)-Parlamentu Nasionál (PN) ohin, loron tersa (12/07), deside debate hikas pedidu vizita husi Prezidente Repúblika (PR), José Ramos Horta ba Repúblika Indonézia ne'ebé tuir planu sei realiza iha loron 18 fulan-jullu tinan 2022.

Tempotimor (Dili)-Primeiru Ministru (PM), Taur Matan Ruak deside aprezenta esforsu Governu daualu nian hodi reabilita infraestrutura bázika Hanesan estrada no eletrisidade ne'ebé durante ne'e sai preokupasaun ba povu iha Munisípiu Ermera.

Tempotimor (Dili)-Diretór Ezekutivu Yayasan Hak, Xisto dos Santos konsidera Parlamentu Nasionál hakarak subar nafatin povu Timor-Leste (TL) husi nasaun sira seluk no kontinua hela nafatin iha ai-laran, tanba adia debate pedidu Prezidente Repúblika (PR), José Ramos Horta, ba nasaun Indonézia, hanesan Xefe Estadu.