Login to your account

Username *
Password *
Remember Me

PN Deside Aprova Pedidu Horta Vizita Indonézia

Membru Parlamentu Nasional sira halo debate no aprovasaun iha Plenaria. Membru Parlamentu Nasional sira halo debate no aprovasaun iha Plenaria. Foto Suplay

Tempotimor (Dili)-Parlamentu Nasionál (PN), tersa (12/07) deside hodi aprova pedidu Prezidente Repúblika (PR), José Ramos Horta ne’ebé husu autorizasaun atu halo vizita ba Nasaun Repúblika Indonézia.

Maske prosesu diskusaun to’o aprovasaun ba pedidu husi PR ne’e rasik, laiha deputadu ida mak fó komentáriu ruma maibé meza PN deside prosede diretamente de’it ba votasaun.

Nune’e rezultadu votasaun ba pedidu refere ho votu afavór 60 kontra 0 no abastensaun 0, no deputadu 5 mak aujente iha plenária.

“Pedidu aseitasaun ba deklarasaun PR vizita ba Indonézia, aprovadu”, dehan Prezidente Parlamentu Nasionál, Aniceto Longuinhos Guterres Lopes, hafoin anúnsia rezultadu votasaun iha Plenária PN, tersa (12/07).

Antes ne’e, Parlamentu Nasionál mós simu ona pedidu husi Prezidente Repúblika (PR), José Ramos Horta ne’ebé mak konvida Bankada Parlamentár sira iha Parlamentu Nasionál (PN) atu nomeia sira-nia reprezentante kada ema na’in-ida hodi akompaña Xefe Estadu vizita ba Repúblika Indonézia.

“Iha vizita Prezidente Repúblika nian ne'e mós halo konvite ida mai iha Parlamentu Nasionál atu oinsá bele nomea mós reprezentante Bankada ida-idak hodi bele inklui iha delegasaun Prezidente Repúblika nian ba Indonezia”, dehan Sekretária Meza Parlamentu Nasonál (PN), Lídia Norberta, iha PN, kuarta (06/07).

Tanba ne’e, Prezidente PN mós informa ba Líder Bankada sira atu Bankada hothotu prepara nia reprezentante.

Iha konstituisaun RDTL artigu 8 mós hatete Prezidente Repúblika iha kompeténsia ba relasaun internasionál sira, ne'e siknifika iha nesesidade tomak atu xefe estadu vizita estadu ba estranjeiru.

Mesmu Prezidente Repúblika anterior, Francisco Guterres ‘Lú Olo’ mosu buat balun mak halo fora husi normál no la tuir konstituisaun maibé situasaun ne'e la siknifika akontese fali ba Prezidente atuál.

Dalaruma, haree ba ema ida-idak nia sentidu ba Estadu, balun iha kostura lahanesan tanba kostura balun, dehan laloos no balun dehan loos.

Nune'e buat ne'ebé dalaruma tenke tau iha oin mak Prezidente Repúblika sé de'it atu viajen ba rai-liur ne'e la'ós tanba nia hakarak maibé ne'e kompromisu estadu nian.

“Dala ruma ba Bankada ida-idak nian lahanesan, iha parte balun dehan laiha no balun dehan sim, ne'e tanba ita haree relevansia ne'e, Prezidente anterior sira to’o iha Prezidente atuál bainhira iha vizita ba rai-liur ida-ne'e importante, agora maneira atu responde mak laloos, maneira ida ne'ebé mak sala”, esplika nia. (*)

Rate this item
(2 votes)
Last modified on Tuesday, 12 July 2022 14:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter