“Sé lá apoiu ne'e hatudu deputadu semi premitivu. Hakarak Timor-Leste ne'e seidauk ukun-an ida, sei nafatin ho lai tradisionál, ita ba fali iha ai-laran hela metin iha fatuk kuak, deputadu sira-nia kakutak hanesan ne'e”, dehan nia iha nia kna'ar fatin, Farol, sesta (08/07).

Tanba autorizasaun husi Prezidente Repúblika (PR) Horta vizita ba Indonézia ne'ebé adia hatudu Deputadu sira iha Parlamentu Nasionál (PN) lori hela dezastre ba Timor-Leste.

“Sira-nia razaun saida mak adia. Ne'e dezastre”, afirma nia.

Tanba Prezidente Repúblika ba estranjeiru ne'e reprezenta povu Timor-Leste, bainhira la autoriza husi Parlamentu Nasionál siknifika deputadu sira hakarak komu metin situasaun hotu iha sira-nia bolsu laran, no laiha kapasidade atu anália polítika zeoglobál.

Prezidente Repúblika vizita ba Indonézia tanba mós atu halo reuniaun ida kona-ba problema labarik lakon, ka estatutu buka restu mortais ba grande saudozu ka ema sira lakon forsadu, iha ne'ebé rekomendasaun ne'e maihusi Komisaun Verdade Amizade no rekomendasaun CNC nomós asuntu fronteira marítima entre Timor-Leste ho Indonézia.

Maibé deputadu iha Parlamentu Nasionál sé halo impedimentu ba viajen ida ne'e mak máka di'ak liu CNC ne'e taka no elimina.

“Sé deputadu sira atu bandu Prezidente, sira-nia hakarak saida?. Saída mak iha deputadu sira-nia kakutak laran, nune'e Prezidente atu ba hodi ko'alia hela ita-nia asuntu fornteira maritima ho ita-nia estatutu buka hela restu mortais ba grande saudozu ka ema sira lakon forsadu ne'e, deputadu sira mak lakohi ida-ne'e nia hakarak ne'e saida”, deklra nia.

Ba viajen Prezidente Repúblika ne'e HAK fó apoiu totál atu obrigatóriu tenke halo vizita ba Indonézia, tanba Xefe Estadu nia servisu mak ida-ne'e, povu laran metin ba nia atu lori hela povu nian preokupasan hatete katak povu nia presiza mak ne'e.

Bainhira Prezidente Repúblika vizita duni Indonézia ne'e parte hametin ligasaun entre Timor-Leste ho Indonézia maibé buat ne'ebé HAK sente  lamentável tebes bainhira deputadu sira la apoiu Prezidente Repúblika.

Antes ne'e, Parlamentu Nasionál (PN) deside kumpre desizaun Bankada FRETILIN nian hodi kansela diskusaun ba pedidu autorizasaun husi Prezidente Repúblika (PR), José Ramos Horta atu halo vizita ba Repúblika Indonézia maibé adia filafali ba loron seluk.

“Ajenda diskusaun ba asentimentu (persetujuan) dezlokasaun Prezidente Repúblika nian meza adia tanba pedidu mai husi bankada Fretilin”, dehan Prezidente Parlamentu Nasionál, Aniceto Longuinhos Guterres Lopes, iha Plenária PN, kinta (07/07).

Ba pedidu husi PR Horta ne'e tempu sei iha atu Parlamentu Nasionál bele diskute maibé tarde liu mak iha loron 13 jullu tenke iha ona rezolusaun ba konsientimentu ne’e tanba viajen vizita sei hahú iha loron 18 jullu 2022.

Maibé parte husi Xefe Bankada Fretilin, Deputadu David Dias Ximenes 'Mandati' husu atu adia, oinsá mak kontribui di’ak liuba desizaun, ida-ne'e meza autoriza adia. (*)