Login to your account

Username *
Password *
Remember Me

Lere Prefere Avansa ho Jerasaun Foun iha Eleisaun ba Prezidente FRETILIN ho SekJer

Jenerál Reformadu, Lere Anan Timur. Jenerál Reformadu, Lere Anan Timur. Foto Suplay

Tempotimor (Dili)-Jenerál Reformadu, Lere Anan Timur, prefere avansa ho jerasaun foun sira iha Partidu Fretilin hodi kompete iha Eleisaun ba Prezidente Partidu FRETILIN no Sekretáriu Jerál Partidu nian ne'ebé mak tuir planu sei realiza iha fulan-setembru 2022.

“Ha’u di’ak-liu hakat ho jerasaun foun ida-ne’e mak di’ak-liu. Jerasaun foun barak liu hanesan Rui Maria Araújo, José Lobato, José Manuel Nakfilak ne’ebé envez ha’u hanoin ami katuas ho katuas mak halo pakote, hanoin ne’e di’ak-liu lalika. Ne’ebé, di’ak-liu buka foinsa’e prepara futuru ida-ne’e mak ita dehan renovasaun nian”, dehan nia iha Aeroportu Internasionál Prezidente Nicolao dos Reis Lobato, Komoro, sesta (08/07).

Maske oras ne'e seidauk iha pakote ne'ebé atu avansa, maibé Lere prefere pakote ne'ebé sei inisia ne'e sei inklina husi jerasaun foun ida atubele iha renovasaun ba lideransa Partidu.

Ba partidu FRETILIN ne'e, Lere sei la nega ninia responsabilidade hanesan membru Komite Sentrál FRETILIN Jereasaun Segundu maibé responsabilidade ne'e ho morál, polítika ba vida nasaun no vida instituisaun partidu ninian.

Tanba ne'e, Prmeiru reforsa ba partidu ne'e sei servisu hamutuk ho Mari Bim Amude Alkatiri ho Prezidente Partidu nian, Francisco Guterres ‘Lú Olo’, no kuadru sira seluk.

Bainhira buat ruma la’o naksalak, bele hadi’a no di’ak hotu, bele reforsa tan, atu sai di’ak liután, nune'e lori vitória ba FRETILIN iha eleisaun parlamentár tinan 2023.

Tanba forma pakote ne'e atu hala'o servisu partidu nian maibé kuandu partidu di’ak ona, entaun bele servi di’ak liután nasaun tanba hari’i partidu ne’e atu ukun. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter