Temotimor (Dili) - Prezidente Komisaun B Parlamentu Nasionál, José Agostinho Sequeira Somotxo hateten, sira-nia parte daudauk prepara ona relatóriu pareser kona-ba alterasaun ba Lei Migrasaun no Azilu hodi aprezenta ba PN atu debate.

Tempotimor (Dili)-Deputadu husi bankada UDT Francisco David Carlos konsidera governu Timor-Leste ladun tau konfiansa ba tripulantes timor-oan ne'ebe mak iha kapasidade bele lori ro Nakroma.

Tempotimor (Dili)-Deputadu Bankada CNRT iha Parlamentu Nasionál sadik Sekretariu Jeral Partidu FRETILIN atu lori kazu hasoru Oceanic Exploration ba tribunal.

Deklarasaun deputadu CNRT Gabriel Soares ne’e estatutu facebook Alkatiri ne’ebé ameasa atu lori Konsellu Politika Nasionál (CPN) partidu CNRT tanba konsidera halo akuzasaun falsu hasoru nia.

Tuir Gabriel, di’ak liu Alkatiri lori kazu hasoru Oceanic Exploration tanba Oceanic Exploration mak fó sai akuzasaun hasoru Alkatiri.

"Mari Alkatiri, iha ninia facebook, ameasa atu bolu ninia advogadu hodi hatama kazu ne’e ba Ministériu Públiku (MP). Husu boot ba Mari Alkatiri lori kazu ne’e ba Tribunal hasoru Oceanic Exploration, tanba Oceanic Exploration mak fó sai hotu númeru konta bankária, hanesan 01649*** no mós 0159***," dehan Gabriel liu husi konferénsia imprensa iha sala bankada CNRT, Kuarta (24/06).

Lee mós: La Simu Akuzasaun MC CNRT, Alkatiri sei Lori CPN-CNRT ba MP

Entretantu, molok ne’e,Sekretariu Jeral Partidu FRETILIN Mari Alkatiri sei lori Konsellu Politika Nasionál partidu CNRT ba tribunal tanba públikasaun iha pajina facebook media centre CNRT ne’ebé akuza Sekretariu Jeral FRETILIN ne’e simu suborno husi kompaña ConocoPhillips iha tinan 2000.

Alkatiri liu husi ninia pajina facebook informa katak nia advogadu prepara ona atu lori CPN partidu CNRT ba tribunal tanba iha públikasaun media centre CNRT hatete katak CPN partidu nian mak fó sai deklarasaun suborno ne’e.

"Relasiona ho informasaun falsu ne'ebé públika hanesan iha foto ne’e, ha'u-nia advogadu sira prepara hela no iha tempu badak ha'u sei hatama keisa krime ba Ministériu Públiku. Sira ne'ebé assina desizaun CPN/CNRT sei ba Ministériu Publiku atu hatán ba akuzasaun ida ne'e,” deklara Alkatiri iha ninia estatutu facebook ne’ebé www.tempotimor.com asesu, Tersa (23/06).

Tempotimor (Dili)- Tribunál Rekursu liu-husi juiz kolektivu sira, konkorda ona hodi la halo deklarasaun (indeferetan) ba inkonstitusionalidade rejimentu Parlamentu Nasionál artigu 15 núemru 2 no artigu 16 númeuru 1,2,3,no 4, ne’ebé antes ne’e bankada CNRT hatama, hodi kondena eleisaun ba Prezidente Parlamentu atuál husi FRETILIN Aniceto Guterres, katak, viola rejimentu liu-liu artigu sira ne’ebé mensiona iha leten.

Tempotimor (Dili)-Kuarta-feira ohin Prezidente Parlamentu Nasionál (PPN) eleitu Aniceto Longuinhos Guterres Lopes hamutuk ho nia estrutura kumprimenta Prezidente Repúblika (PR) Francisco Guterres Lú-Olo katak, kompozisaun meza Parlamentu Nasionál (PN) prontu ona atu serví.

Tempotimor (Dili)-Bankada FRETILIN iha Parlamentu Nasionál (PN) deklara, desizaun atu dezolve Parlamentu Nasionál (PN) nu’udar kompetensia preorogativu Prezidente Repúblika Francisco Guterres Lu Olo.

Tempotimor (Dili)-Ironia tebes haree hahalok deputadu sira iha Parlamentu Nasionál. Iha tempu defisil no nasaun hotu-hotu preokupa oinsa atu salva sira-nia povu, deputadu Timor-Leste nian kontinua halimar politika.

Tempotimor (Dili)-Deputadu husi bankada FRETILIN fó kritika maka’as ba governu Aliansa Mudansa ba Progresu (AMP) tanba konsidera alokasaun osan iha Orsamentu Jeral Estadu (OJE) 2020 barak mak tama sala kuartu (salah kamar).

 

Tempotimor (Dili)-Fatin ba estabelesimentu planta Liquefied Natural Gas (LNG) hahú sai polemika hafoin mosu informasaun husi deputadu balun iha Parlamentu Nasionál katak Xefe Negosiadór ba Demilimitasaun Fronteira Maritima Kay Rala Xanana Gusmão deside hodi muda fatin planta LNG husi Beasu, Munisipiu Vikeke, ba Natarbora, Munisipiu Manatuto.

Deputadu husi bankada FRETILIN Fabião de Oliveira foin lalais ne’e informa katak, Xefe Negosiadór halo ona negosiasaun ho komunidade sira iha Beasu, maibé komunidade nia proposta ba indinimizasaun boot liu.

Tuir informasaun ne’ebé deputadu ne’e simu, tanba laiha konkordansia ba malu, Xanana deside hodi muda fali planta LNG ba Natarbora, Munisipiu Manatuto.

"Ha'u mós rona katak (planta LNG) la akontese iha Beasu maibé muda fali ba Natarbora, entaun se la akontese iha Beasu signifika dezentendimentu entre Xefe Negosiadór ho ita-nia populasaun sira kona-ba indiminizasaun," informa deputadu Fabião iha Parlamentu Nasionál (PN), Kinta (05/12/19).

Lee mós: Xanana Rende Harii Planta LNG iha Beasu, Posibilidade Muda ba Natarbora

Deputadu Fabião hatutan, mosu mós dezintendimentu entre Xefe Suku ho populasaun balun.

“Ami so hatene dei't informasaun sira ne'ebé mak ami-nia militante sira telefone mai fó hatene. Husi fali parte seluk hanesan ne'e ami mós la hatene,” dehan nia.

Tuir nia haree, mosu mós dezintendimentu entre grupu partidaria, liu-liu entre militante CNRT no FRETILIN.

“Buat ne'e ami haree grupu partidaria mós dezentendimentu hotu. Ezemplu Xefe Suku mai husi partidu CNRT nian, balun mai husi FRETILIN nian, entaun dezentendimentu iha ne'e, tuir ami nia haree ida ne'e mak konfuzaun uitoan,” deklara nia.

 

Husu Governu Fó Razaun

Deputadu husi bankada FRETILIN seluk, Dário Madeira husu ba governu atu fó razaun kona-ba mudansa planta LNG husi Beasu ba Natarbora.

"Projeitu instalasaun planta LNG ne'e prozeta ona ba mundu tomak katak planta LNG ne'e sei mai tau iha Beasu. Iha tinan 2015 halo ona estudu lubuk ida, ne'ebé iha estudu ne'e hatudu rezultadu katak laiha dúvida kuandu planta LNG mai tau iha Beasu, ne'ebé gasta ona povu-nia osan lubuk ida iha ne'ebá ne'ebé halo estudu de'it," dehan deputadu Dário iha plenária PN, Tersa (10/12/19).

Tuir nia, bainhira Xefe Negosiadór halo negosiasaun ho populasaun sira iha Beasu, suku Maluru, populasahn husu indeminizasaun boot, maibé ikus mai populasaun retira proposta hodi fó rai gratuita ba estadu atu harii planta LNG.

Maibé, nia dehan, ikus mai populasaun sira iha Maluru hakfodak rona informasaun katak planta LNG muda fali ba Natarbora.

"Agora ne'e governu nia hakarak saida?, tanba komunidade Beasu, suku Maluru ne'e sira preokupa hela, derepente de'it sira rona desizaun muda tiha ona, katak muda fila fali ba Natarbora," dehan Dário.

Tuir nia, presiza fó esplikasaun klaru ba populasaun sira, liu-liu iha Suku Maluru, tanba sira sai vitima husi planu harii planta LNG ne’e.

"Loloos ne'e Programa Nasional Dezenvolvimentu Suku (PNDS) nia osan tinan rua (2018-2019) tama iha ne'ebá populasaun sira la ezekuta, tanba planta LNG tama fali ne'e bele destroi saida mak halo ona," nia hatete.

Tempotimor (Dili)-Deputadu husi bankada FRETILIN no PLP husu ba governu atu buka tuir ruin husi saudozu sira ne’ebé mate no lakon durante tempu okupasaun Indonezia.

Page 1 of 2

.