“Agradese ba Prezidente Autoridade Munisipál Baucau, inklui dirijente Terra no Propiedade ne’ebé ho laran luak atribui ona uma no rai ba Tatoli hodi fasilita serbisu hosi munisipál iha futuru”, dehan Ministru Francisco Jerónimo hafoin partisipa serimónia entrega rai no uma ba Tatoli.IP iha munisípiu Baukau, kinta (07/07).

Ba rai no uma ne'ebé Autoridade Admistrasaun Munisipál liuhusi Diresaun Terra no Propiedade Baukau entrega ne'e sei utiliza ba edifisiu Tatoli,I.P hodi fasilita sira-nia serbisu kobertura no públikasaun informasaun ba públiku iha futuru.

Ho ida-ne'e MAPKomS hanoin katak tinan 2022 reabilitasaun bele hahú hala'o ona nune’e bele utiliza halo serbisu iha tinan 2023. (*)