Tempotimor (Dili)-Prezidente Repúblika (PR), José Ramos Horta promete sei halo koordenasaun ho Governu liliu Primeiru Ministru (PM), Taur Matan Ruak inklui Ministériu Transporte no Komunikasaun (MTK) atu apoiu Operador Telekomunikssaun Timor Telecom ne'ebé mak oras ne'e lidera husi Timoroan sira.

“Ha'u orgullu mai vizita iha ne'e, ha'u sei ko'alia ho Primeiru Ministru, ho ministru sira seluk para oinsá atu tenke tau matan e apoiu instituisaun ida timorense, konkorénsia di'ak maibé tenke iha apoiu maka’as ba instituisaun ne'ebé timorense”, dehan nia hafoin finaliza atividade vizita ba Instituisaun Timor Telecom iha Kaikoli, kuarta (13/07).

Maske tinan hirak nia laran ne'e ladun akompana dezafiu oioin ne'ebé Timor Telecom ka Empreza telekomnukasaun enfrenta, maibé hein katak tinan ida ka rua, sé másimu liu mak tinan tolu, sei iha kabu submarinu ho fibra óptika maihusi Darwin no Alor ho Atambua atubele ajuda liután lina telekomunikasaun nian.

Tanba durante ne'e públiku sempre halo kritiku oioin ba Timor Telecom maibé buat ne'ebé dala ruma presiza haree mak problema satélite tanba dadauk Timor Telecom mós depende de'it ba Telkomsel ho ba sira seluseluk.

“Ne'e sei tau Timor tama ba, uluk karun tebtebes ne'e tanba satélite e ita laiha espasu diretu satélite ita liuhusi ema seluk nian”, dehan nia.

Tanba ne'e iha tinan hira tuir mai felismente Timor-Leste sei iha komunikasaun estável hanesan ho nasaun sira seluk liliu Singapura no Austrália.

Diretór ba Diresaun Jurídiku Timor Telecom, Manuel Carcéres hatete, sira ho onra boot ba vizita ne'ebé Prezidente Repúblika halo hodi haree direta situasaun ne'ebé Timor Telecom entrenta.

“Prezidente Repúblika, nia hakarak mai vizita Timor Telecom, eselénsia rasik mak ohin marka loron (13/07) e hanesan família boot Timor Telecom sente onradu tebtebes, envez ami sira diresaun ba audénsia ho Prezidente Repúblika, e iha oportunidade senor Prezidente Repúblika mai haree rasik ho matan, situasaun real Timor Telecom nian”, esplika nia.

Dadauk Empreza Timor Telecom rasik mós apresenta ona ba Prezidente Repúblika kona-ba situasaun Timor Tolecom nian iha tinan 15 liuba ne'ebé mak maiória sidadaun estranjeriu lidera sistema, maibé ohin loron timoroan mak kaer hikas sistema hotu iha ne'ebá.

Tanba hahú husi fulan-marsu 2020, sidadaun estranjeiru ne'ebé mak kaer sistema ne'e ba Portugal la konsege fila mai Timor tanba COVID-19 nune'e to'o ohin loron timoroan de'it mak kaer sistema, inklui tékniku mós timoroan de'it.

“Ne'e siknifika katak timoroan prontu ona atu tama ba merkadu telekomunikasaun. Ezemplu konkretu maka Timor Telecom, ohin ami hotu esplika ba señor PR katak laiha Diretór ida mak malai, hothotu mesak timoroan de'it”, dehan nia. (*)

Tempotimor (Dili)-Polísia Nasionál Timor-Leste (PNTL) liuhusi servisu sekreta Unidade Patrollamentu Fronteira (UPF) halo vizilánsia hodi kontrola área fronteira, konsege kaptura sidadaun feto na’in-4 ne’ebé halo transasaun ilegál ba kombustivel iha área mota ain fronteira entre Timor-Leste ho Indonézia.

Tempotimor (Dili)-Governu liuhusi Konsellu Ministru (KM) autoriza Ministru Finansas (FM), Rui Augusto Gomes, asina akordu projetu ho Ajénsia Kooperasaun Internasionál Koreia (KOICA),” ba dezenvolvimentu projetu “YEES-Youth Employment and Entrepreneurship Skills (kompeténsia empreendedorizmu no empregu ba juvendtude).

Tempotimor (Dili)-Ministru ba Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo hatete, Governu haruka ona karta ba Prezidente Autoridade Munisípiu Dili (PAM), Guilhermina Filomena Saldanha atu fó atensaun maka’as ba servisu sanemametu iha kapitál Dili.

Tempotimor (Dili)-Governu liuhusi Konsellu Ministru (KM) autoriza Ministru Transporte no Komunikasaun(MTK), José Agustinho da Silva, asina akordu tolu  ho Ministériu Transporte Repúblika Indonézia.

Tempotimor (Dili)-Konfrontu entre joven sira iha Aldeia Liasidi, Suku Afaloikai, Postu Administrativu Uatulari, Munisípiu Vikekeé, Polísia Nasionál Timor-Leste (PNTL) liuhusi Unidade Espesiál Polísia (UEP), reforsa husi eskuadra PNTL Uatulari Konsege kaptura joven na’in-6 hanesan suspeitu.

Tempotimor (Dili)-Vise Xefe Bankada Congresso Nacionál de Reconstrução de Timor (CNRT), Patrocinio Fernandes, lamenta ho atendimentu iha Ospitál sira, tanba dalabarak atendimentu pesoál saúde ne’ebé utiliza estudante estájiariu hamate pasiénte sira.

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO), Olinda Guterres prefere atu uza naran Prezidente Parlamentu Nasional Aniceto Longuinhos Guterres Lopes ba edifísiu foun ne'ebé tuir planu hakarak hari’i iha suku Hera Postu Administrativu Metinaru, Munisípiu Dili.

Tempotimor (Dili)-Polísia Nasionál Timor Leste (PNTL) liuhusi Servísu Sekreta husi Unidade Patrullamentu Fronteira (UPF) halo patrulla la’o ain iha oras tuku 10 kalan, konsege prende minarai ilegál masa litru 35 hamutuk 28 ho totál 984 litru, iha área Tasi Ibun Palaka, Postu Administrativu Atabae, Munisípiu Bobonaro.

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Antónino Bianco, akuza deputada Bankada Congresso Nacionál de Reconstrução de Timor (CNRT), Lusia Taeki, buka votu tanba mobiliza soru-na'in sira husi Rejiaun Administrativa Espesiál Oekussi Ambeno (RAEOA) hodi sisi Governu  fó fila sira-nia tais.