Login to your account

Username *
Password *
Remember Me

KM Autoriza MTK Asina Akordu Tolu ho Repúblika Indonézia

Membru Governu sira partisipa hela reuniaun Konsellu Ministru iha Palasiu Governu. Membru Governu sira partisipa hela reuniaun Konsellu Ministru iha Palasiu Governu. Foto Suplay

Tempotimor (Dili)-Governu liuhusi Konsellu Ministru (KM) autoriza Ministru Transporte no Komunikasaun(MTK), José Agustinho da Silva, asina akordu tolu  ho Ministériu Transporte Repúblika Indonézia.

“Akordu ne'e sei realiza bainhira Prezidente Repúblika(PR), José Ramos Horta ba vizita  Indonézia, iha loron 18 fulan-jullu tinan ne'e, ne'ebé MTK mós hetan delegasaun hodi ba Indonézia”, dehan Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, kuarta (13/07).

Memorandu entendementu tolu ne'ebé mak MTK sei asina ho Ministeriu transporte Repúblika Indonézia kona-ba apoia komérsiu transfronteirisu no kooperasaun entre nasaun rua, iha mós akordu entre Ministériu no Ajénsia Meteorolojia, Klimatolojia no Jeofízika Repúblika Indonézia kona-ba kooperasaun iha domíniu meteorolojia, klimatolojia no jeofízika, akordu ikus ho ministériu komunikasaun no Informátika Repúblika Indonézia ba kooperasaun iha domíniu komunikasaun no informátika.

“Kona-ba atu apoia komérsiu transfronteirisu no kooperasaun entre nasaun rua, ne’ebé permite hodi promove, dezenvolve no reforsa komérsiu, investimentu, turizmu no interkámbiu kulturál entre nasaun rua ne’e, liuhusi estabelesimentu sistema transporte integradu ida no efisiente neébé sei aptu hodi insentiva kreximentu no dezenvolvimentu ekonómiku iha Timor-Leste, maske hanesan ho benefísiu ba Indonézia”, esplika nia.

Nune'e mós memorandu entendimentu entre ninia ministériu no Ajénsia Meteorolojia, Klimatolojia no Jeofízika Repúblika Indonézia kona-ba kooperasaun iha domíniu meteorolojia, klimatolojia no jeofízika, Parseria ne’e prevee iha memorandu ida-ne’e, atu apoiu dezenvolvimentu meteorolojia, klimatolojia no jeofízika, setór importante ba Timor-Leste, liliu iha área sira hanesan kalibrasaun ekipamentu meteorolojia no sismolójiku no kapasitasaun rekursu umanu sira.

“Alende ne'e, memorandu entendimentu ida ho Ministériu Komunikasaun no Informátika Repúblika Indonézia, ba kooperasaun iha domíniu komunikasaun no informátika ne'e haluan no hadi’a setór komunikasaun no informátika implika kolaborasaun ho nasaun sira seluk hodi nune’e, ho forma ida ne’ebé proativa no asertiva, sira rua bele aumenta ninia efikásia atuasaun interna no esterna no iha sentidu ida-ne’e presiza atu estabelese baze koordenasaun no kooperasaun bilaterál iha kampu komunikasaun no informátika”, hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter