Tuir Informasaun ne’ebé www.tempotimor.com asesu iha pájina Servisu Relasaun Públika katak, iha mós masa mamuk hamutuk 103 ne'ebé komunidade sira lori hodi halo transasaun ilegál iha área Palaka, Postu Administrativu Atabae, Munisípiu Bobonaro, ne’ebé UPF kaptura mós sidadaun timoroan mane na’in-2 ho naran inisiál EP idade 23 no JC idade 29 iha Área Uetaba, Suku Beseuk, Postu-Adminitrativu Tilomar, Munisípiu Covalima.

Iha sorin seluk UPF Postu Ka’un, mós kaptura sidadaun mane na’in 2 ho inisiál RA no AT iha área Uelulan, Suku Naimeko, tanba halo transasaun ilegál ba sigaru no tua. Enkuatu sidadaun na’in-rua ne’e husi Aldeia Tulaika, Suku Naimeko, Sub-rejiuan Pante Makassar-RAEOA.

Ba kazu hirak ne’e prosesu submete ona ba Komandu PNTL Munisipál, dadaun suspeitp ho objetu kontra bandu hirak ne’e asegura ona iha Ministériu Públiku. (*)