Tempotimor (Dili)-Xefe Departamentu Relasaun Públiku Polísia Nasionál Timor-Leste (PNTL), Superentedente Xefe Armando Monteiro informa, Membru Unidade Polisia Militár (UPM) na'in-neen (6) ne'ebé envolve kazu omesidu iha Zumalai dadaun ne’e iha ona sela detensaun hodi kumpri oras 27, hafoin kontinua prosesu tuir lei.

“Komandu Jerál PNTL rejista ona kazu omesidu ne'ebé akontese iha munisípiu Covalima, loron domingu (23/01), ne'ebé envolve membru UPM na’in-6 hodi rezulta joven ida mate no na’in-rua vítima, nune'e Komandu munisípiu Covalima halo hela investigasaun ona e dadaun ne'e sira na’in-neen submete hela iha sela detensaun durante 72 oras nian laran”, dehan Superentedente Xefe Armando Monteiro, iha Komandu Jerál, Kaikoli, segunda (24/01).

Kazu ne'e akontese iha inaugurasaun uma lisan ida, membru UPM na’in-neen, nu'udar konvidadu iha sermónia kulturál refere, inklui vítima na’in-tolu

"Sira sai konvidadu ba festa uma lisan ida, maibé rezultadu husi partisipasaun ba serimónia ida ne'e, rezulta fali ita-nian juventude ida lakon vida, no na’in-rua sai vítima, tanba ne'e Komandu PNTL munisípiu Covalima sei kontinua halo prosesu investigasaun no sei relata ninian progresu mai Komandu Jerál PNTL ho objetivu saida mak kazu ne'e mosu”, esplika nia.

Tanba husi prosesu finalidade investigasaun ne'e, bele identifika autór, no autór tenke responsabiliza ba aktu ne'ebé sira halo tuir lei ne'ebé vigor iha rai Timor-Leste.

Enkuantu kona-ba kritika husi Sosiadade sivíl ba aktu brutalizmu refere, Komandu simu kritika hodi bele hadi’a di'ak liután servisu hodi servi povu no nasaun ba oin.

“Kritika ne'ebé mak konstrutivu ba PNTL hodi nune'e ita hamutuk oinsá atubele PNTL mellora ninian empenamentu di'ak liután hodi serbi ita-nia povu no rai ida ne'e", afirma nia.

Enkuantu, suspeitu na’in-neen nu'udar membru UPM, ho inisiál MDD, LMA, GDN, MMF, NAJ no JB. (*)

Tempotimor (Dili)-Forum Organizasaun Naun Govermental Timor-Leste (FONGTIL) hakarak Primeiru Ministru (PM), Taur Matan Ruak, hanesan mós Ministru Interior (MI) atu ezonera Komandante Jerál Polísia Nasionl Timor-Leste (PNTL), Komisiáriu Polísia Faustino da Costa tanba durante ninia mandatu kazu barak membru PNTL sai suapeitu.

Tempotimor (Dili)-Polísia Nasionál Timor-Leste (PNTL) liuhusi Komandu Munisípiu Díli (KMD) kontinua halo prosesa ba sidadaun na’in-5 ne'ebé nu'udar autór prinsipál ba kazu konfrontu iha Salaun Mahoka, sábadu 15 Janeiru 2022 iha área Osindu, Suku Bairropite, Postu Administrativu Dom Aleixo, Munsípiu Díli.

Tempotimor (Dili)-Komandu Polísia Nasionál Timor-Leste (PNTL) Munisípiu Dili, Kaptura Estudante hamutuk na’in-55 tanba uza Atributu Grupu Arte Marsiál (GAM) no Grupu Arte Ritual (GAR) ba eskola hodi rona rezultadu ezame nasionál.

Tempotimor (Dili)-Komandu Polísia Nasionál Timor-Leste (PNTL) liuhusi Unidade Patrolamentu Gronteira (UPF) kompaña Bravo-Suai, halo check point iha área Koitau kaptura sidadaun Timoroan na’in-2 iha Wala Lama, Postu Administrativu Tilomar, Munisípiu Kovalima, tanba hatama manu futu ilegál liuhusi fronteira We Hare.

Tempotimor (Dili)-Komandante Polísia Nasionál Timor-Leste (PNTL) Munisípiu Dili, Superintendente Xefe, Henrique da Costa deklara, joven ida ho inisiál GSDS tara-an iha Bairopite, aldeia Tat laiha motivu ruma.

Tempotimor (Dili)-Polísia Nasionál Timor-Leste (PNTL) liuhusi Ofisiál Polílisia Suku (OPS) indentifikadu kilat anin hamutuk 300-resin ne’ebé eziste iha Munisípiu Lautein, Postu Administrativu Lospalos.

Tempotimor (Dili)-Komadante Polísiia Nasionál Timor-Leste (PNTL) Eskuadra Dom Aleixo, Inspetór Asistente Americo da Costa deklara, durante fulan-janeiru tinan 2022, eskuadra Dom Aleixo rejista kazu krime hamutuk haatnulu-resin-lima (45).

Tempotimor (Dili)-Komandante Jerál Polisía Nasionál Timor-Leste (PNTL), Komisáriu Faustino da Costa informa, PNTL sei aluga karreta 32 tau asegura atividade kampaña eleisaun prezidensiál.

Tempotimor (Dili)-Komandante Jerál Polisía Nasionál Timor-Leste (PNTL), Komisáriu Faustino da Costa hatete, iha tinan 2021 kona-ba asidente Tránzitu nian ema na'in-59 mak lakon vida.