"Atualiza mós ba sua prezidente kazu balun ne'ebé PNTL atende rejistu durante iha 2021, liliu la ko'alia kazu krime, mais ita ko'alia kona-ba asidente de aviasaun Tránzitu nian ne'e, ema 59 mak lakon vida ka mate no mai iha janeiru de'it mós barak tiha ona", dehan Komisáriu Faustino hafoin hasoru malu ho PR Lú Olo iha Palásiu Prezidensiál Bairopite, kinta (20/01).
Kazu prinsipal ne'e mai husi neglijénsia umana katak, ema mak seidauk iha konsiénsia didi'ak bainhira lori motorizada ho karreta, hanesan mós sira ne'ebé na’in la tau atensaun ba kondisaun viaturas sira.
Tanba ne'e mak kazu asidente rezulta sidadaun timoroan ne'ebé sempre lakon vida.
Enkuantu, oras ne'e dadaun mós komandu munisípiu sira, liuhusi ofisiál polísia suku sira halo hela sensibilizasaun iha munisípiu sira kona-ba sidadaun sira ne'ebé sosa kilat manu hodi uza.
"Kuaze atu finaliza ona, mak iha parte Lospalos nian, indentifikadu katak mais 300 armas mak eziste iha ne'ebá, e ita iha hotu ona dadus, naran se se, na'in se, ema ne'e hola husi ne'ebé, sa tinan nia rai buat ne'e, hanesan mós iha Ermera, Aileu hahú ona prosesu indentifikasaun oinsá atu kontinua asegura", hatutan nia.
Tanba liga ba lei n. 5/2017 konsidera arma branka ne'ebé, se mak rai, se mak utiliza, ida ne'e krime. (*)