“PNTL iha 2022 ne'e orsamentu ida ke boot, entaun inklui ona kompras viaturas, tantu mós aluga ne'ebé ita sei uza orsamentu ida ne'e para alende ita kompras ita mós bele halo aluga ba karreta rental sira iha Dili laran bele uza liliu iha tempu kampaña eleisaun nian", dehan Komisáriu Faustino hafoin hasoru malu ho PR Lú Olo iha Palásiu Prezidensiál Bairopite, kinta (20/01).
Enkuantu PNTL tau osan ba aluga karreta mínimu 32 prepara ba atividade kampaña ninian durante loron 60 no sasán seluk mak hanesan ekipamentu nesesáriu ba pesoál sira atu uza.
“Iha preparasaun komandu polisía nasionál ninian ba iha eleisaun no kampaña, ne'ebé PNTL prontu asegura maske ami-nia rekursu bele dehan katak, rekursu ida ne'ebé sai mós hanesan situasaun ida ne'ebé ami presiza haree hodi jere didi'ak membru sira", esplika nia.
Maibé iha situasaun balun mós PNTL indentifika katak, iha Sentru votasaun balun difísil asesu transporte tantu mós rede komunikasaun, eletrifikasaun, ne’ebé sei koordena ho parte relevante oinsá bele asegura, nomós situasaun sira bele koloka iha kondisaun atividade hotu bele la'o.
“Prezidente nia hato'o mak ne'e servisu hanesan saida mak lei haruka, la bele inskomensiasaun katak, husu Polísia la bele mete ba grupu ka Arte Marsiál, partidu A ka B, no Prezidente husu kontinua servisu", haktuir Faustino. (*)
