"Ezenora Komisáriu PNTL Dr. Faustino da Costa nu’udar Komandante Jerál PNTL, ho razaun durante ninia mandatu nakonu ho kazu mate mean ne’ebé envolve ema sivíl nu’udar vítima no Membru PNTL nu’udar suspeitu (referénsia Kazu lahane no kazu atual Suai Loro)”, dehan Diretór Ezekutivu FONGTIL, Helio Dias da Silva iha nia kna’ar fatin, Kaikoli, segunda (24/01).

Tanba kazu Omesídiu ne’ebé akontese iha loron 22 Janeiru 2022, tuku 3 dadersan madrugada iha Suku Loro-Suai ne’ebé hamate sidadaun Marcos Amaral (41), no hakanek mós nia alin Julio Amaral, iha ne’ebé autór husi kazu ida ne’e, deskonfia envolve husi Membru PNTL-UPM (Unidade Polísia Marítima) ne’ebé destakada iha Munisípiu Covalima. 

Ba abrigu ka faktu no baze legál ne'ebé iha, mak FONGTIL hakarak kondena aktu refere no propoin ba Orgaun Ezekutivu (Ministériu Interior) no Orgaun Lejizlativu (Komisaun B Parlamentu Nasionál) atu ezonera komisiáriu polísia Faustino no Komandante Pelotaun ka Kompaña UPM ne’ebé destakada iha Munisípiu Covalima.

Bzeia ba artigu 4 husi dekretu-lei nùmeru 9/2009, 18 Fevereiru. Iha ne'ebá hakerek klaru kona-ba situasaun saída mak autoriza Membru PNTL uza forsa hodi atua.

Husu atu prosesa autór ne’ebé partisipa iha Kazu Omosídiu refere, hodi inkaixa ba prizaun, aleinde husu mós atu mellora Politika Rekrutamentu Membru ba PNTL ho meiu implementa PSYCO TEST ne’ebé Duru.

"Husu ba Komisaun B PN hodi apoio Orgaun Ezekutivu (Ministériu Interior) hodi eskolla Potensiálidade ne’ebé iha PNTL para subtitui Komisiáriu Jerál PNTL atual”, dehan nia.

Komandu Polísia Nasionál Timor-Leste (PNTL) Covalima dezarma no halo ona detensaun ba membru Unidade Polísia Marítima na’in-neen ne’ebé deskonfia envolve iha kazu hamate Julião Amaral iha suku Suailoro, Postu Administrativu Suai iha Sábadu kalan (22/01).

Antes ne'e, Komandante PNTL Munisípiu Covalima, Superintendente Basílo de Jesus hatete, membru na’in-neen ne’ebé envolve iha kazu omesidu, dadauk sira aplika ona dezarma no hatama iha sela Kuartel Jerál PNTL Covalima.

“Agora asegura ona sira na’in-neen tama ona sela no dezarma hotu, agora ita halo koordenasaun ho Ministériu Públiku (MP) atu halo investigasaun ba kazu ida ne’e”, dehan Basílio de Jesus iha Ospital Referál Suai, domingu (23/01).

Tanba tuir lei la haree ba ema ki’ik ka boot no polísia ka la'e tanba ne’e membru na’in-neen sei prosesa tuir lei ne’ebé iha no sala sei hetan demisaun no ba prizaun.

“O atu militar atu polísia no se de’it, bainhira halo asaun halakon ema-nia vida, sira ne’e deskonfia ona hanesan suspeitu, ne’ebé sala sei hetan demisaun no ba tama prisaun, ne’ebé atu fortifika iha judisiál mak autópsia ne’e para hatene evidensia forte nia mate hetan baku ka tiru, ne’e para hodi hatene motivu kazu ne’e ho loloos”, hatete nia.

Entretantu membru na’in-neen husi Unidade Polísia Marítima ne’e deskonfia la’ós halakon Julião Amaral nia vida de’it, maibé halo mós torturasaun ba matebian nia alin Marcos Amaral inklui Cristina Amaral tanba hetan baku, tebe no tuku. (*)