Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Olinda Guteres hatete, husu deskulpa ba sidadaun ho kondisaun defisiénsia matan, tanba liafuan fó hasoru hanesan de'it ezemplu.

Tempotimor (Dili)-Ministra Saúde (MS), Odete Maria Freitas Belo hatete, preparasaun ba Variante foun Corona-Delta mak tenke tau atensaun ba fronteira atu ema labele tama ilegal nomós Portu ho aeroportu.

Tempotimor (Dili)-Deputadu Bankada Congresso Nacionál de Reconstrução de Timor (CNRT), Domingos de Carvalho, deskonfia governu liuhusi Ministériu Saúde (MS) fase liman ba Vítima Hilária de Jesus tanba deklara matebian la'ós mate ba vasina AstraZeneca.

Tempotimor (Díli)-Portavóz Movimentu Estudante Tane Oe-cusse (METO), Calisto Cono husu ba Ministru Transporte  no Komunikasaun (MTK), José Agostinho da Silva, atu hapara movimentu Ró Tranship-2 Gresik hodi halo operasaun entre Dili-Oekussi no Dili-Ataúro tanba fó impaktu negativu ba passajeiru sira-nia vida.

Tempotimor (Ainaru)-Kooperativa Crédito Uniăo-Maubisse Hanoin Ba Futuru (CU-MHBF) husu Sekretária Estadu Kooperativa (SEKoop) fasilita formasaun hodi hasa'e kapasidade membru sira-nian.

"Ami Crédito Uniăo Maubisse Hanoin ba Futuru, husu ba governu liliu ba SEKoop atu akompaña ami hasa'e dirijete no membru sira hodi bele iha koñesimentu kona-ba lala'ok kréditu uniaun ne'ebé di'ak, atu nune'e ami bele dezenvolve kréditu uniaun ida ne'e sei sai forte no sustentável”, dehan Prezidente Kooperativa, CU-MHBF, Luciano Mendonça Nunes, iha salaun Administrasaun Postu Administrativu Maubisse Villa, sábadu (10/07).

Dezafiu ne'ebé membru sira hasoru durante seidauk iha sede ne'ebé mak permanente, kapasitasaun mínimu, difikulta kapasidade membru no dirijente no membru sira.

"Fasilidade eskritóriu sei menus, hanesan komputadór, printer, meza, kadeira, nomós armáriu no sira seluk. Tuir fali, ami seidauk iha transporte ne'ebé mak bele fasilita ba halo servisu ne'ebé di'ak. Aleinde ne'e, seidauk iha kapasidade atu akumula hotu populasaun Maubisse. Ami mós sei menus staff atu servisu halo atendimentu ba membru sira”, informa nia.

Kooperativa CU Maubisse Hanoin ba Futuru, hari'i iha 2013 to'o (31/06/2021) ne'e, akumula ona membru hamutuk 916, kompostu husi feto 548 no mane 368.

"Montante osan ne'ebé mak durante ne'e ami iha US$276,963,34, ida ne'e mak rendimentu ne'ebé durante ne'e ami iha”, dehan nia.

Entrentantu Sekretáriu Estadu Kooperativa (SEKoop), Elizário Ferreira, husu ba dirijente kooperativa atu hato'o pedidu ba SEKoop, nune'e bele hetan apoiu tuir konteúdu proposta ne’ebé hato'o ona.

"Ha'u promete tiha ba imi ona, ne'ebé imi-nia proposta ba asuntu tolu, halo pedidu formasaun, ho sede depois mak ekipamentu. Tanba sede iha mak tau imi-nia ekipamentu, sé sede laiha atu tau saida ba”, dehan Elizário.

Husu mós ba dirijente no membru sira halo servisu ne'ebé ho onestu ba malu, nune'e bele asegura kooperativa nia sustentábilidade ba futuru. (*)

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu ativu Covid-19 hamutuk 902 no detetadu kazu foun 57.

Tempotimor (Ainaru)-Kooperativa Créditu Uniăo Aituturina hahú nia ejiste ona tinan 36 hahù tinan 1985 to’o 2021 iha Suku Mulo, Postu Administrativu Hatubiliku, Munisípiu Ainaru.

Tempotimor (Dili)-Ministra Saude (MS), Odete Maria Freitas Belo, husu ba funsionáriu públiku (FP) tenke agradese no orgullu hetan servisu iha administrasaun públiku, tanba timoroan barak hakarak servi maibé la hetan oportunidade.

Tanba ne'e, husu funsionáriu Públiku ne’ebé oras ne'e hetan ona oportunidade, tenke orgullu nafatin, hodi hola partisipasaun máximu iha komemorasaun loron nasionál Komisaun Funsaun Públika (KFP) ne’ebé sei realiza ba dala-hitu iha Timor-Leste.

"Ha’u hakarak atu dehan ita orgullu sai funsionáriu públiku, ema barak hakarak sai funsionáriu públiku maibé la hetan. Se ita iha oportunidade sai hanesan FP, loron KFP nian ne'e ita tenke mai, halo festa netik”, hatete Odete hafoin partisipa atividade Marsa Saudável iha Largo Lesidere, sábadu (10/07).

Komemorasaun loron nasionál ne'e la halo festa, tanba nasaun hothotu inklui Timor-Leste dadaun enfrenta hela situasaun kalamidade pandemia covid-19.

Maibé la taka dalan mós ba Komisaun Funsaun Públika no funsionáriu públiku tomak atu komemora loron inportante ida ne'e, liuhusi atividade hanesan la'o ain hodi bele fó saudável ba sira-nia an. (*)

Tempotimor (Ainaru)-Cooperativa Uniăo-Rai Didi'ak Ba Futuru (CU-RADIFU) durante tinan 21 nia laran konsege akomoda ona kapitál ho montante US$5,556.

Tempotimor (Dili)-Organizasaun Popular Feto Timór (OPMT) entrega sertifikadu rekoiñesimentu ba rezultadu servisu membru Comissão de Pesquisa de Elaboração da Historia da Luta da Mulher Timór (CPEHLMT) inklui kontribuiente hamutuk 93 ne’ebé konsege kria livru kona-bá Buibere Hamrik Ukun Rasik An.