“Husu Mimstru Transporte no Telekomunikasaun, abu hapara Ró Alu Transhup II hodi halo operasaun Dili Oekussi no Dili Atauro, no husu ba Prezidente Autoridade RAEOA atu toma atensaun ba problema Ró Alu Tranship II, labele halo ona operasaun nune'e labele fó impaktu negativu ba pasajeiru sira bainhira halo viajen”, dehan Calisto Cono iha Jardim 5 de Maio, segunda (12/07).

Antes ne'e, iha loron sábadu (10 07 202), Ró Ahi Transship-2to'o iha Dili difisil tebes atu atraka no lori oras rua iha tasi laran, to'o rezulta pesajeiru sira la konsege tun husi odamatan, maibé lori eskada no obriga pasajeiru sira tun fali husi Ró nia sorin besik janela.

Entretantu Pasejeiru Agustino hatete, situasaun ne'e halo pasajeiru sira pániku tebes tanba aliende enfrenta hamlaha hasoru mós ho situasaun refere nune’é konsidera prejudika tebes sira.

“Ami sai horseik meudia husi Oekussi no foin mak to'o, maibé Ró la sandar iha nia fatin no mai sandar fali iha ne'e hodi halo ami tun mós araska tebes. Ami-nia sasán hatun ladi’ak, tanba tau de’it eskada ki’ik mak tun no ne’e perigozu tebes”, afirma nia.

Movimentu estudante sira ne'e mós sujere ba Primeiru Ministru, Taur Matan Ruak nomós Komisaun Anti Korrupsaun, no Forom Organizasaun Naun Governamentál Timor-Leste (FONGTIL) atu akompaña nafatin kazu Ró Tranship-2 ne'e nia kondisaun ba to'o nia rohan. (*)