Tempotimor (Dili)-Governu Xina apoiu osan montante millaun ualu (8) ba governu Timor-Leste ba konstrusaun no Instalasaun ba Sistema Dijital Transmisaun Multimedia Terrestre (SDTMT) liuhusi rádiu no Televizaun Timor-leste, empreza públika (RTTL-EP) ba etapa primeiru.

Tempotimor (Likisá)-Sekretáriu Estadu Kooperativa (SEKoop), Elizário Ferreira, loke formasaun ba kooperativa veteranu nian iha Sede Konsellu kombatentes Munsípiu Likisá, segunda (12/07).

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun hamutuk 36 no kazu rekuperadu 32.

Tempotimor (Díli)-Diretór Ezekutivu Tékniku Informátika Komunikasaun, instituto Públiku (TIC-ip), Roberto de Sousa Caetano Vicente hatete, TIC fó treinamentu IT (information technology) avansadu ba ekipa liña Ministeriál sira-nia.

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo deklara, governu sei kompleta ahi-eletrisidade ba suku hamutuk 30-resin, tanba programa governu prevé ona iha Orsamentu Jerál Estadu (OJE) 2021.

Tempotimor (Likisá)-Prezidente Conselhos e Combatentes da Libertaçăo Nacional (CCLN), Vicente da Conceiçăo ‘Railoos’, promete sei organiza veteranu sira iha Munisípiu Likisá atubele envolve-an iha kooperativa CCLN nian.

“Iha biban ida ne'e hakarak hato'o de'it katak, hanesan prezidente konsellu, ha'u fó apresiasaun boot ida ba ita-boot sira-nia estrutura kooperativa nian. Ami hanesan fó motivasaun de'it ba ita-boot sira katak, ami prontu atubele organiza no reorganiza kombatente sira tomak”, dehan Railoos iha formasaun ba kooperativa iha sede CCLN, segunda (12/07).

Nune’e ba veteran sira ne’ebé pensaun mensal husi estadu, nomós ba sira ne'ebé 03, importissimu sira, tenke envolve iha kooperativa, e aumezmu-tempu, sira ne'ebé 2009 seidauk valida, sei orienta atubele hola parte hotu hanesan membru kooperativa CCLN Likisá.

Membru CCLN iha Munisípiu Likusá, hamutuk rihun-15, maibé sei bele liu tanba dadus veteranu ne’ebé rejísta iha tinan 2009 hamutuk ema rihun-11 ne'ebé  seidauk hetan validasaun, kompara ho sira ne’ebé rejísta iha tinan 2003, nune’e sei buka atu organiza sira bele hola parte iha kooperativa.

“Hakarak hato'o dala-ida tan ba na'i sekretáriu estadu katak, inisiativa konsellu nian hodi hari'i kooperativa ida ne'e, mai husi matenek na'in balu ida-rua, ida mak señor prezidente interinu kooperativu ninian, nia mak fó hanoin ida katak, kooperativa ne'e buat di'ak ida”, esplika nia.

Tanba ne’e fó hanoin ida ba konsellu kombatente libertasaun nasionál munisípiu Likisa, atubele hanoin oinsá akomoda kombatente hothotu hodi hari'i kooperativa ne'e.

“Iha ne'e mak konsellu mós aseita e komkorda tebtebes ho ideia sira ne'ebé giante tebtebes. Entaun, iha ne'e ami konsege organiza malu, konvida ita-nia na'i veteranu ida rua, hodi diskute e fó hanoin ba malu, no ikus iha 2020 ami konsege selebre reuniaun alargada ida iha ami-nia sede provizóriu iha Maumeta, nune'e nia prosesu la'o to'o ohin loron, rejista ona membru purvolta de 90 ital, e atu besik ona 100 ital”, informa nia.

Tanba membru barak ba ona rejísta sira-nia naran hodi sai membru ba kooperativa CCLN, maske balu seidauk investe sira-nia kapitál iha kooperativa, maibé sira hola parte ona hanesan membru iha kooperativa nian.

Maibé Prezidente Konsellu rasik labele envolve diretamente iha kooperativa hodi halo fali jestaun, tanba kooperativa nu'udár estrutura ne'ebé formadu no hari'i husi asembleia jerál ida mak bele halo jestaun kona-ba kooperativa nian.

“Ami apenas konsellu, fó nafatin ami-nia apoiu fó motivasaun nafatin para organiza ami-nia kombatente sira hodi hola parte hotu iha ne'ebá. Agardese tanba ita-boot sira membru kooperativa ohin ita-boot sira bele hetan fasilitasaun treinamentu ruma atu iha kuñesimentu, eleva nafatin kapasidade imi-nia hodi la'o hamutuk iha fatin ida, iha knua ida kooperativa ne'e”, dehan nia.

Envolvimentu ne’e atu ninia benefísiu ba aban-bainrua, e sertamente ne’ebé sei filafali ba membru sira mak sente rasik hanesan membru automatikamente sei sente, enkuantu ninia jestaun ka ninia lala'ok tuir ninia prosedimentu ida ne'ebé estabelesidu.

Tanba ne'e, husu dala-ida tan, mezmu ketuas fuuk mutin balu hatene balu katuas ona, maibé iha vontade nafatin atu hola parte iha treinamentu ida ne'e, husu atu membru sira tenke foku nafatin ba treinadór sira ne'ebé oras fasilita treinamentu hodi komprende.

“Ita mak ko’alia ba malu hela, dala-ruma dehan, prontu, ita ladun inteira. Ba ha'u própriu ladun inteira didi'ak saida mak kooperativa. Mas depois esplikasaun lubuk ida mai husi ema balu, matenek na'in balu, ha'u komprende, e oras ne'e ita bele la'o hamutuk”, haktenik nia. (*)

Tempotimor (Díli)-Diretór Kabotajen Nasionál, Feliciano da Costa Correia informa iha semana ne’e nia laran Administrasaun Portu Timor-Leste (APORTIL) sei públika sai naran kompaña ne’ebe halo manutensaun ba Ró Berlin Nakroma.

Tempotimor (Dili)-Ministeriu Saúde (MS) sidauk preparadu ho ekipamentus atu hasoru variante foun Corona-Delta, tanba sistema saúde sei nafatin, maske kontinua esforsu hodi halo prenvesaun.

“Intermus de ekipamentu, hanesan ha'u dehan ita la preparadu, ita atu prepara to’o tiha ne'ebé maibé ita-nia situasaun, ami koko atu prepara maibé sistema saúde nafatin, tanba ne'e mak ita sempre husu atu halo prevensaun uza máskara, fase liman ho sabaun, distánsia sosiál, no uza hand sanitizer”, dehan Ministra Saúde (MS), Odete Maria Freitas Belo hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, segunda (12/07).

Tanba ida ne'e, kontribui ba nasaun Timor-Leste, kuandu monu ba situasaun sira ne'ebé sidadaun sira la espera.

“Ita labele espera situasaun ne'ebé la di'ak, ita sempre optimizmu katak situasaun aat sei la akontese iha ita-nia rai, ho ita hothotu nia kooperasaun,ita hothotu nia kontribuisaun ba rai ida ne'e atu labele mate, atu labele moras, labele lori ita ba toba iha ospital ne'ebé mak sei fraku tebetebes”, afirma nia. (*)

Tempotimor (Dili)-Deputadu Bankada Congresso Nacional de Reconstrução de Timor (CNRT), Gabriel Soares hatete, Governu liuhusi Ministériu Asuntu Konbatente Libertasaun Nasionál (MAKLN)  tenke valoriza membru klandestina no materestu komité 12 novembru tanba uluk sakrifika-an hodi kontra inimigu durante luta.

Tempotimor (Díli)-Segundu Portavóz Movimentu Estudante Tane Oe-cuse (METO), Zecafriado Afulit Coa promete, sira sei hamutuk ho komunidade Ataúroan sira, sei halo blokeia Portu Díli ba Ró Tranship-2 Grosik bainhira Governu mantein halo operasaun entre Dili-Oekusse no Dili-Ataúro.