“Kazu detetadu ne’ebé relata iha loron 12 fulan-Jullu tinan 2021 foun 39 (iha Dili 25, munisípiu seluk hamutuk 14) iha mane 27, feto 12 no kazu rekuperadu 32”, dehan Rui liuhusi komunikadu imprensa, segunda (12/07).
Husi totál kazu detetadu foun hirak ne’e ho idade tinan 12 na'in-1, ho idade entre tinan 12-59 na'in-35 (89,7%) ho idade 60 na'in-3, 7,6% maka sintomátiku (hatudu sintomas), kazu ativu 909 no totál kazu konfirmadu kumulativu iha 11 fulan-jullu 2021 (sura husi 21 Marsu 2020) hamutuk 9862.
Husi loron 11 to’o 12 fulan-jullu, hamutuk hotu Laboratóriu Nasionál Saúde (LNS) halo 383 testes PCR iha Dili, ho detalla hanesan, vijilánsia sentinela 0, rastreiu ba kontaktu (contact tracing) 36, rastreiu aleatóriu (random screening) 24, viajen sai husi serka sanitária munisípiu Dili 204, viajen internasionál 39 no follow up iha kuarentena 80.
Rezultadu testes PCR ne’ebé halo iha loron 11 fulan-jullu husi munisípiu sira seluk, REAOA ho HNGV, hamutuk 388, ho detalla hanesan, Baukau 77, Ermera 0, Maliana, Maubisse 19, RAEOA 0, Suai 15, Vikeké 10 no HNGV 259. (*)
