Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, tinan 2022 konstrusaun no instalasaun ba sistema DTMT liuhusi RTTL EP ne'e la'o hotu ona.
“Tinan oin mai konstrusaun no instalasaun sira la’o hotu ona, hela de’it sorin balu, maibé lansa foin lalais halo ona iha Loes no agora haree fali sasán sira ne'ebé iha, ami Deteta katak to’o ona tempu atu handover (entrega) atu nune'e hela ba Timor-Leste maibé asisténsia Governu Xina sei hela nafatin ba ita, tanba ita sei presiza nafatin sira atu fó asisténsia liliu formasaun tékniku ba ita-nia tésira iha RTTL nune'e bele sustenta programa faze primeiru ne'e”, dehan Ministru Francisco iha Palásiu Governu, segunda (12/07).
Maibé laiha dúvida hodi komúnidade sira asesu ba programa refere tanba buat hotu la'o hela dadaun.
Tanba ko’alia kona-ba sistema DTMT la'ós Timor-Leste tomak atu asesu hotu kedan maibé faze primeiru ne'e sei ba de’it Munisípiu rua, Likisá no Dili nomos Munisípiu balu nia postu mak sei asesu uluk.
“La'ós Timor tomak atu asesu hotu kedan maibé faze primeiru ne'e sei ba de’it Munisípiu rua Likisá no Dili, iha mós Munisípiu balu ne'ebé postu mak sei asesu uluk, hanesan Munisípiu Bobonaro, nia posto Kailaku mak sei asesu, Munisípiu Ermera nia postu Railaku no Gleno mak asesu uluk, Munisípiu Aileu iha Laulara mak sei asesu uluk”, informa nia.
Maibé Munisípiu Dili no Likisa totalmente asesu por volta de rihun 200 resin abitante mak asesu ba dijital RTTL.
Iha fatin hanesan Emabaixadór Xina mai Timor-Leste, Xiao Jianguo hatete, serimonia handover sai haensan momentu istoriku ida ne’ebé importante, tanba sai sasin ba atividade ne’ebé hetan suporta husi nasaun Xina.
“Ohin ne’e loron neebe importante tebes, loron istoriku ida tanba ita sai sasin ba sermonia handover Dijitalizasaun transmisaun multimedia terrestre (DTMT) ne’ebé mak agora dadaun ita halo ne’e, parte primeiru ne’e ofisialmente entrega ona ba governu Timor-Leste, entaun ne’e hanesan etapa ida ne’ebé di’ak tebes presiza apresia ida ne’e”, afirma nia.
Ho programa ne’e di’ak tebes tanba nia iha benefisiu oinsá atu eduka no enrikeza, populasaun sira-nia kuiñesementu kona-ba kultura entre nasaun rua ne’e. (*)
