“Se mantein ami movimentu estudante Oekussi hamutuk ho komunidade Ataúro sei blokeia diretamente operasaun Ró ne'e ami sei halo demonstrasaun para blokeia tanba ida ne'e afeita tebes ba povu nia vida, se nukazu akontese tiha buat ruma ita fó sala ba se?, dehan Zecafriado Afulit Iha Jardim 5 de Maio, segunda (12/07).

Antes ne'e, iha ;loron sábadu (10/07/202), Ró Transship-2 fila husi Oe-kussi mai  to'o iha Dili difísil tebes atu atraka no lori oras rua 1ha tasi laran, to'o rezulta pesajeirus sira la konsege tun husi Odamatan, maibé lori eskada no obriga pasajeiru sira tun fali husi Ró nia sorin ne'ebé besik janela.

Entretantu Diretór Nasionál Transporte Marrítima (DNTM), Lino Barreto esplika Ró Tranship-2 la konsege atraka tanba klima mak la di'ak ne'ebé akompaña husi anin boot.

“Sim motivu Ró Tranship-2 l atraka iha no ninia fatin iha jety ne'ebé durante ne'e nia atraka tanba ita-nia situasaun klima mak la permite tanba nia tama husi Oe-kuse mai to'o iha ne'e 12 oras meudia akompañadu ho anin boot entaun nia labele tama iha fatin ida nia atraka ba ne'e, tanba fatin ne'e kloot entaun ami buka meius oinsá Ró Tranship-2 ne'e ba atraka iha fatin ne'ebé seguru”, dehan Lino Barreto.

Antes ne'e Ró Tranship-2 lori Primeiru Ministru (PM), Taur Matan Ruak no membru Governo balun ba Postu Administrativu Ataúro, hasoru problema hanesan mak susar atu atraka iha zety ne'ebé mak prepara nune'e, Primeiru Ministru deside fila mai Dili ho Ró Kay-Rala iha iha loron 11 fulan-juñu 2021 liu ba.

Ró Tranship-2 ne'e Governu prepara liu husi Ministru Transporte Komunikasaun (MTK), konrata atu fasilita  konetividade Marrítima iha Timor Leste.(*)