Tuir observasaun iha terrenu www.tempotimor.com nota katak, karreta hirak ne’ebé mak broker sira hatama mai iha Timor-Leste kondisaun ne’ebé la di'ak no karreta balun ne’ebé mak seidauk to'o iha Timor-Leste maibé nia dokumentus parte Diresaun Nasionál Transporte Terrestre (DNTT) prepara kompletu ona.

Tanba ne’e, PNTL liuhusi SIKN iha loron kuarta (08/06) dada ona police line ba karreta sira ne’ebé importa no para hela iha Posrtu Dili, hodi prosesa.

Tuir informasaun husi Funsionáriu Aportil ne’ebé lakohi publika naran iha www.tempotimor.com katak, karreta hirak ne’e para durante semana rua-resin ona no okupa duni fali sira iha área APORTIL inklui mós alfándega nian.

“Karreta sira ne'e presiza hasai tiha tanba ne’e mak okupa fatin ne'e de’it kuandu ró sira tama ami mak atrapalla liu tanba ne'e mak hasai tau iha ne’ebé karik hasai tiha ba”, dehan iha Posrtu Dili, kuarta (07/06).

Tanba dalan loloos ne’ebé mak emprezariu sira importa mak tenke Koopera ho parte hotu hodi halo inspensaun ba imoportasaun karreta hirak ne’ebé mak tama iha Alfándega.

Iha ne’e nia mós esplika, tuir loloos halo inspesaun ba karreta importasaun tenke iha ema na’in-haat, primeiru alfándega haree ba nia kna’ar rasik, segundu DNTT haree ba nia funsaun kona-ba asesoria karreta sira, diresaun meiu ambiente hala'o nia funsaun katak, karreta bele viável ka lae bele Importa mai iha Timor-Leste tanba presiza antesipa lixu.

Nune’e Diresaun Nasionál Komérsiu Externo (DNCE) tenke haree ba proposta pre-aprovasaun ne’e la'o tuir duni proposta ka la’e. Tanba nasaun Timor-Leste tenke importa sasán sira ne’ebé mak kualidade no labele kontribui lixu estranjeiru sira mai iha Timor-Leste. (*)