Tempotimor (Dili)-Governu liuhusi Konsellu Ministru (KM) deside kontinua serka sanitaria iha munisípiu Dili ba loron 14, hahú husi loron 15 to’o 29 fulan-jullutinan 2021.

Tempotimor (Dili)-Governu liuhusi Ministériu Interior (MI) desidi taka provizóriu postu integradu iha lutu fronteira rai maran entre nasaun Timor-Leste (TL) ho Repúblika Indonézia (RI), hodi evita Covid Delta tama mai Timor-Leste.

Tempotimor (Dili)-Vise Xefe Estadu Maior Jenerál Falintil-Forsa Defeza Timor-Leste (F-FDTL), Maijor Jenerál Domingos Raul ‘Falur Rate Laek’ informa, rekrutamentu membru foun F-FDTL teste remata ona iha loron ohin (14/07) no hein públika sai rezultadu.

Tempotimor (Díli)-Sekretáriu Estadu Formasaun Profesionál no Empregu (SEFOPE) liuhusi Diretór Nasionál Empregu Exteriór (DNEE), Filomeno Soares, rejeita informasaun kona-ba sidadaun Timor-Leste ne'ebé simu ona vasina Sinovac la labele ba Austrália tanba sei iha prosesu diskusaun.

Tempotimor (Dili)-Ministériu Finansa (MF) deside sei halo transferénsia osan subsídiu estudante sira ba konta bankária universitáriu iha semana oin.

Tempotimor (Díli)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão hamutuk komunidade hamoos valeta iha área Balide Eskola 4 Setembru UNAMET, Dili kuarta (14/07).

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo deklara, estudante timoran ne'ebé estuda hela iha Indonézia barak mak simu ona Vasina prevensaun covid-19.

Tempotimor (Dili)-Prezidente Parlamentu Nasional (PN), Aniceto Longuinhos Guterres Lopes deklara, nia parte la fiar deputada CNRT, Maria Veneranda Lemos tanba akuza meza halo deskriminasaun iha plenária.

Tempotimor (Dili)-Sekretária Estadu Kooperativa (SEKoop) husu ba ministériu sira atu servisu hamutuk hodi fó apoiu ba grupu produtór sira atubele reforsa ekonomia iha rai laran.

"Rekomendasaun, mak oinsá mak ita esforsu suporta ita-nia grupu sira ne'ebé mak iha área rurál atubele aumenta produsaun ba agrikultura atu nune'e bele reforsa ita-nia ekonómia iha nível nasionál nomós fó kontribuisaun ba ita-nia populasaun ne'ebé mak sei moris iha situasaun susar nia laran”, dehan Diretór Jerál SEKoop, Francisco Xavier, bainhira partisipa iha diálogu nasional ba sistema seguransa ai-hán iha Otél City 8, Kanossa Has-laran, tersa (13/07).

Tanba ne'e, SEKoop nia prezensa iha diálogu refere, oinsá atu hato'o informasaun ruma iha relasaun ho servisu SEKoop nian ba apoiu programa sistema seguransa ai-hán iha Timor-Leste (TL) liuhusi kooperativa nian nune’e bele integra-an iha programa sira husi Organizasaun Nasaun Unidas (ONU) nian.

"Tanba ida ne'e mak, oras ida iha diskusaun nia laran, ita fó kontribuisaun liliu servisu ne'ebé mak ita halo ona entre SEKoop ho komunidade, e aleinde ida ne'e mós informasaun prioridade sira ne'ebé mak SEKoop produz hela", hatete nia. (*)

Tempotimor (Dili)-Governu liuhusi Ministériu Obras Públika (MOP) orienta ona ekipa tékniku sira hodi halo dezeñu ba projetu reabilitasaun estrada iha pakote 12 ninian, hafoin tama ba faze implementasaun.