"Problema ne’ebé mak estudante (timoroan) sira hasoru iha indonézia, relasiona ho vasina, atu halo esplikasaun katak iha Indonézia mós halo vasina ba estudante timoroan lubuk ida”, hatete nia iha plenária Parlamentu Nasionál (PN) tersa (13/07).

Estudante timoroan sira ne’ebé eskola iha Java Sentrál governu hanoin no espera katak sira mós hetan vasina iha Universitáriu sira tanba vasina ne'e gratuitu (la selu).

“Ha’u atu hatete de'it katak presiza estudante ne'e tenke ativu atu nune'e koopera ho universidade sira para hetan Vasina sira ne'e, tanba sira mós halo vasina ba estudante timoroan iha ne'eba”, dehan nia.

Maibé, prosesu kona-ba vasina governu mós rekomenda ona ba Ministériu Negósiu Estranjeiru no Kooperasaun (MNEK) atu fó hatene ba adidu edukasaun nomós embaixada Timor-Leste iha Indonézia atubele haree no ajuda estudante sira ba hetan vasina iha fatin sira ne'ebé mak aproriadu.

Iha fatin hanesan Deputada Bankada FRETILIN, Gabriela Alves, ejize ba governu atu haree kestaun kona-ba estudante timoroan iha Indonézia, tanba oras ne'e sira seidauk tuir Vasina prevensaun ba covid-19.

"Ami mós iha informasaun kona-ba estudante sira ne’ebé iha Indonézia seidauk hetan vasina”, hatete nia. (*)