“Anúnsiu ne'ebé mak foin lalais fó sai ne'e, anúnsiu ne'e seidauk loos, sei iha faze diskusaun hela, maibé ha'u manda informasaun ne'e ba para ami sei tur hamutuk nível diretór ami sei diskute kona-ba anúnsiu ne'e mezmu iha ne'ebá ha'u assina maibé ami sei diskute Vasina ne'ebé foin sai depois labarik balun Vasina ho Sinovac depois balun mak AstraZeneca ne'ebé ami sei diskute lai, tanba Governu Timor-Leste mós aprova ona Vasina Sinovac no AstraZeneca”, dehan Filomeno Soares iha nia kna’ar fatin Bekora, kuarta (14/07).

“Agora informasaun ne'e kala labarik  sira foti sai de'it husi komputadór depois sira share informasaun ne'e ba mai, maibé seidauk ofisiál, ofisiál karik ami tau iha ami nia website diresaun nia website ne'ebé prosesu diskusaun hela para hodi haree kona-ba ida ne'e, ne'ebé ne'e ha'u rejeita ema ne'ebé fó sai ne'e laiha responsabilidade, mezmu iha ne'eba ha'u mak asina maibé ha'u sei manda ha'u-nia email ba líder sira Diretor jerál no Sekretáriu Estadu atu kolega kandidatu sira ne'ebé mak simu ona Vasina seluk karik mós bele hetan satisfeitu ho informasaun sira ne'e”, afirma nia.

Austrália uza Vasina AstraZeneca, nune'e Governu Timor-Leste mós hato'o nia preokupasaun tanba aprova vasina rua mak hanesan, vasina Sinovac ne'ebé Suporta husi Governu Xina no AstraZeneca husi Governu Austrália no Nova Zelándia inklui parseiru intertnásionál. (*)