Tempotimor (Dili)-Ministra Saúde (MS), Odete Maria Freitas Belo akompaña husi Prezidente Komisaun Funsaun Públiku, Faustino Cardoso Gomes, hala’o serimónia asinatura termu aseitasaun ba rekrutamentu públiku profisionál saúde iha área médiku jerál junior no médiku dentista junior hamutuk na’in-24 iha salaun Palásiu Sinzas, Kaikoli-Dili.

Tempotimor (Dili)-Prezidente Repúblika (PR), Francisco Guterres ‘Lú Olo’, konsidera funsionáriu públiku husi eskalaun ki'ik to'o boot iha Palásiu Prezidensiál, sei iha dever atu hametin memoria instituisionál ne'ebé Prezidente Repúblika husik hela ba Prezidénsia foun.

“Ha’u fiar katak imi ida-idak sei kumpre imi-nia dever atu hato’o memória institusionál ne’ebé ha’u no ha’u-nia ekipa konfiansa polítika husik ba Prezidénsia tuir mai, ho Prezidente Repúblika foun, Dr. José Ramos-Horta no ninia ekipa konfiansa polítika”, dehan nia hafoin atribui medalla Grau Kolar no sertifikadu apresiasaun ba funsionáriu públiku no kontratadu inklui traballadór, iha Palásiu Nobre Lahane, kuarta (18/05).

Tanba loron 18 maiu hanesan loron ne'ebé ikus liu ona ba Prezidente Republika sesante hodi hasoru malu ho kolega servisu durante tinan lima ikus liu, iha fatin istóriku ida, Palásiu Nobre-Lahane.

Ba mandatu prezidénsia Lú Olo ne'ebé termina iha loron 19 kalan, mak Prezidente Repúblika hein katak ba oin, kolega servisu hothotu sei hatutan relasaun amizade ne’ebé habelar durante mandatu Prezidente Repúblika ba períodu 2017-2022.

Ho prosesu kondekorasaun ne'ebé mak atribui ba padre João Felgueiras, sidadaun Timor-Leste, nomós sidadaun naun-nasionál na’in-rua, Teresa Coelho no Ana Mónica Carvalho, la’ós servisu iha Prezidénsia Repúblika, maibé kontribui barak tebes ba servisu prezidénsia nian la’o di’ak nomós ba benefísiu komunidade no dezenvolvimentu Timor-Leste.

Iha ne'e, Prezidente Lú Olo ho haksolok boot, bele kondekora ho Ordem Timor-Leste ba kompatriota sira ne'e nu’udar rekoñesimentu no valorizasaun ba sira-nia servisu ho eselénsia no ba sira-nia dedikasaun, liuhusi kna’ar oioin, nu’udar voluntáriu, ne’ebé kontribui ba benefísiu Timor-Leste, ba timoroan no ba umanidade.

Ba kompatritota no belun sira seluk, nu’udar kolega servisu, ne’ebé kolabora ho servisu ne’ebé de’it, durante nia mandatu, mak Prezidente Repúblika iha nia dever atu husik hela rekoñesimentu no valorizasaun liuhusi rekordasaun ida, no sertifikadu apresiasaun ba ida-idak ninia kontribuisaun.

“Ha’u louva imi hothotu ninia kontribuisaun, nu’udar traballadór limpeza husi setór privadu nomós funsionáriu públiku hanesan jardineiru, pesoál seguransa no funsionáriu públiku husi eskalaun kiik to’o kargu xefia sira hotu iha Prezidénsia Repúblika nomós kontratadu sira liuhusi nomeasaun polítika”, hatete Lú Olo.

Durante mandatu, Prezidente Repúblika, nia rasik sempre konta ho funsionáriu públiku sira tanba sira mak mákina prinsipál ba funsionamentu Prezidénsia Repúblika nu’udar instituisaun Estadu nian, no sira mak garante memória institusionál ba nasaun Timor-Leste.

Maske, servisu transizaun nian la’o dadaun ona no maibé fiar katak ekipa konfiansa polítika husi PR sesante, hamutuk ho kooordenadór hothotu, sei halo entrega servisu, material eskritóriu no ekipamentu hotuhotu, ho Termos de Entrega.

“Ha’u hein katak funsionáriu públiku hametin-an nafatin nu’udar servidór Estadu nian ho étika profisionál. Nune’e, sei la hasees-an husi sira-nia devér profisionál atu kaer servisu ho imparsialidade, iha tempu ne’ebé de’it, biar ida-idak iha direitu tama iha partidu políku ne’ebé de’it”, afirma nia. (*)

Tempotimor (Dili)-Governu liu husi Konsellu Ministru (KM) aprova rezolusaun Governu nian, ne’ebé aprezenta husi Primeira Ministra Interina, Armanda Berta dos Santos, ne’ebé fiksa vaga 866 ba promosaun pesoál integradu iha Rejime Jerál husi karreira sira Administrasaun Públika iha tinan 2022.

Tempotimor (Dili)-Diretór Rekursu Umanu Minsteriu Saúde, Augostu Joaquin Pinto hatete, Ministériu Saúde (MS) kontratu tan ema na'in-141 atu haforsa servisu saúde nian iha programa Malaria, Tuberkulosis (TBC) no Human Immunodeficiency Virus (HIV).

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu permite funsionáriu públiku (FP) utiliza patrimóniu Estadu (karreta no motorizada), maibé tenke iha karta justifikassun.

Tempotimor (Dili)-Governu liuhusi Ministériu Finansa (MF) iha loron sesta (14/01) aprova ona despaisu númeru 03/Vl/GM-MF/2022-01 hodi bandu entidade liliu kargu xefia sira iha Liña Ministeriál no Instituisaun Estadu atu lori karreta Estadu nian ba para iha uma.

Tempotimor (Dili)-Banco Nacional de Comercio de Timor-Leste ( BNCTL) hahú transfere ona saláriu désimu terseiru (XIII) ba kada konta bankária funsionáriu públiku.

Tempotimor (Dili)-Xefe Xepartamentu Tránzitu Seguransa Rodoviariu Nasionál, Superentidente João Belo Reis hatete, iha operasaun ne’ebé halo konsege identifika utilizadór transporte Governu subar (laiha) sapa matrikula.

Tempotimor (Díli)- Komisáriu Komisaun Funsaun Públika  (KFP) Assuntu Disiplinár, Fausto Freitas da Silva esplika, laiha dekretu lei ida autoriza funsionáriu públiku (FP) utiliza karreta Estadu hodi tula família, maibé espiritu lei fó dalan ba kargu xefia utiliza tula oan ba eskola.

Tempotimor (Dili)-Banco Nacional de Comercio de Timor-Leste (BNCTL) dadaun ne'etransfere ona saláriu fulan-outubru nian ba konta bankária kada Funsionáriu Públiku (FP) iha teritóriu tomak.