Login to your account

Username *
Password *
Remember Me

Governu ‘Permite’ FP Utiliza Patrimóniu Estadu ho Karta Autorizasaun 

Karreta Estadu ne’ebé para hela iha Edifísiu Estadu. Karreta Estadu ne’ebé para hela iha Edifísiu Estadu. Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu permite funsionáriu públiku (FP) utiliza patrimóniu Estadu (karreta no motorizada), maibé tenke iha karta justifikassun.

“Ba sira ne’ebé mak lori karreta Estadu la’ós iha tempu servisu, ne'e la’ós la autoriza la’e, autoriza, naran katak iha autorizasaun husi ninia superior sira, ho justifikasaun ida loloos katak, halo servisu”, dehan nia iha plenária PN, tersa (25/01).

Tanba Iha sirkulár mós hatete iha ne’ebá klaru, katak bele autoriza ajente sira lori karreta Estadu bainhirs iha servisu ne’ebé mak importante, atubele halo iha tempu ne’ebá, entaun tenke iha autorizasun, maibé sé laiha autorizasaun ne'e labele.

Pozisaun Governu hakarak aplika regra ida ne’e tanba atubele responde ba politika poupansa ba utilizasaun karreta Estadu, uza karreta ne’e tenke tuir ninia dalan.

"Tanba hanesan hatete bebeik dala hira ona katak ita durante tinan barak nia laran ita gasta osan kuaze besik US$300 milhões so para hadi’a de’it karreta ho tau mina. Entaun ita tenke halo poupa ita haree ba situasaun ne’e duke karreta sira ne’e hadi’a nafatin de’it, at nafatin de’it, mina mós tau aumenta-aumenta de’it”, dehan nia.

Ba asuntu ne'e, deputada balun foti katak sé nia ba halo servisu iha sábadu ho domingu hodi ba haree no atende vítima ba violénsia doméstika ka labarik sira, ida ne'e hanesan servisu ne’ebé mak importanta ida tanba saida mak labele.

Maibé importante mak ajente sira labele uza karreta Estadu atu ba tau loroloron iha uma hodi halo fali servisu seluk ne’e mak labele.

“E atu ba halo servisu sira ne’e tenke iha autorizasaun, ida nene’e ninia autorizasaun ne’e tenke iha mak halo tanba atu poupa gastu sira ne’ebé mak desnesesáriu, e sikulár la bandu, e sirkulár fó dalan no fó solusaun”, hatete nia. (*)

Rate this item
(0 votes)
Last modified on Thursday, 27 January 2022 01:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter